विराट कोहली आणि महेंद्रसिंग धोनी हे भारतीय क्रिकेट मधील दोन दिग्गज खेळाडू आहेत. या दोघांची रन्स साठी होणारी जुगलबंदी आपण अनेकदा मैदानावर पाहिली असेल, मात्र सध्या सोशल मीडियावर यांच्यात एक वेगळीच जुगलबंदी रंगलेली दिसत आहे.
सध्या सोशल मीडियावर एक व्हिडिओ जबरदस्त वायरल होत आहे, त्यात विराट आणि धोनी गाणे गाताना दिसत आहे. विराट आणि धोनीचा एक एडिट केलेला व्हिडिओ सध्या सर्वत्र फिरत आहे. त्या व्हिडिओमध्ये हे दोन्ही दिग्गज खेळाडू ‘मेरे सामनेवाली खिडकी मैं एक चाँद का टूकडा रहाता हैं’ या गाण्यावर जबरदस्त एक्सप्रेशन देताना दिसत आहे. ही दोघे एकदम किशोर कुमार आणि सुनील दत्त सारखे असून, यात किशोर कुमार यांच्या चेहऱ्यावर धोनीचा चेहरा तर सुनील दत्त यांच्या चेहऱ्यावर कोहलीचा चेहरा लावण्यात आला आहे.
हा व्हिडिओ हिंदी सिनेसृष्टीतील एव्हरग्रीन सिनेमा ‘पडोसन’च्या गाण्यावर तयार करण्यात आला आहे. फेस अँपच्या साहाय्याने हा व्हिडिओ बनवला गेला असून, यात धोनी आणि कोहली सोबत अनुष्काचाही चेहरा दिसत आहे. या गाण्यात शेवटी दिसणाऱ्या सायरा बानो यांच्या चेहऱ्यावर अनुष्का शर्माचा चेहरा लावला आहे.
जो कोणी हा व्हिडीओ पाहतो आहे, तो एकच म्हणतो काय कमाल एडिटिंग केली आहे. वा! एक युजर म्हणतो, हा व्हिडिओ बनवणाऱ्याला तर अवॉर्ड द्यायला पाहिजे.
तत्पूर्वी अनुष्का शर्मा आणि विराट कोहली नुकतेच आई, बाबा झाले आहेत. अनुष्काने ११ जानेवारीला एका सुंदर कन्येला जन्म दिला आहे. विराटने ही आनंदाची बातमी सोशल मीडियावर पोस्ट करत दिली होती. सध्या अनुष्का आणि विराट त्यांचे पॅरेंटिंग डेज एन्जॉय करत आहे.
