अभिनेत्री दीपिका पदुकोण (Deepika Padukone) आणि रणवीर सिंग एका मुलीचे पालक झाले आहेत. दीपिकाने रविवारी 8 सप्टेंबर 2024 रोजी एका मुलीला जन्म दिला. दीपिकाची प्रसूती एचएन रिलायन्स फाउंडेशन रुग्णालयात झाली. दीपिका आणि रणवीरचे जवळचे मित्र आणि शुभचिंतक त्यांच्या बाळाला भेटण्यासाठी पोहोचले आहेत. रिलायन्स इंडस्ट्रीजचे मालक मुकेश अंबानी देखील दीपिकाच्या मुलीला भेटायला आले होते.
दीपिका पदुकोण आणि रणवीर सिंग यांनी लग्नाच्या जवळपास सहा वर्षानंतर आपल्या पहिल्या मुलीचे स्वागत केले आहे. या जोडप्याने आपल्या मुलीच्या जन्माची बातमी सोशल मीडिया पोस्टद्वारे शेअर करताच अभिनंदनाचा पूर आला. आलिया भट्टपासून प्रियंका चोप्रा, कतरिना कैफ, अर्जुन कपूर, परिणीती, सर्व स्टार्सनी आपल्या शुभेच्छा व्यक्त केल्या आणि लहान परीला प्रेम आणि आशीर्वाद दिले. आता मुकेश अंबानीही दीपिकाच्या लाडक्याला भेटायला आले आहेत. एचएन रिलायन्स फाउंडेशन हॉस्पिटलच्या बाहेर कारमधून जाताना ते दिसले.
गणेश चतुर्थीच्या एका दिवसानंतर दीपिकाची प्रसूती झाल्याची माहिती आहे. याआधी मुकेश अंबानी यांनी त्यांच्या ठिकाणी गणेश चतुर्थीचा भव्य उत्सव आयोजित केला होता. बॉलीवूडचे अनेक स्टार्स अंबानींच्या घरी गणपती बाप्पाच्या दर्शनासाठी आले होते. यावेळी दीपिकाचे वडील आणि सासरेही अंबानींच्या गणपती उत्सवात सहभागी झाले होते. त्याच दिवशी संध्याकाळी म्हणजेच शनिवारी दीपिकाला प्रसूतीसाठी रुग्णालयात दाखल करण्यात आले आणि दुसऱ्या दिवशी रविवारी ही चांगली बातमी आली.
यापूर्वी दीपिका पदुकोणची डिलिव्हरी २८ सप्टेंबरला होणार असल्याच्या बातम्या आल्या होत्या. चाहत्यांना आधीच आनंदाची बातमी मिळाली आहे. प्रसूतीच्या दोनच दिवस आधी दीपिका पती आणि अभिनेता रणवीर सिंगसोबत बाप्पाच्या दर्शनासाठी सिद्धिविनायक मंदिरात आली होती. दीपिका आणि रणवीरच्या घरात लहान परी आल्याने चाहते खूप आनंदित झाले आहेत आणि आता ते बाळाच्या पहिल्या झलकची आतुरतेने वाट पाहत आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
ऑफ शोल्डर ड्रेसमधील भाग्यश्री लिमये हिचे बोल्ड फोटो व्हायरल; एकदा नजर टाकाच
करीना कपूरचा रिच आणि क्लासी लुक व्हायरल; सोशल मीडियावर होतंय कौतुक