2023 हे वर्ष हिंदी आणि दाक्षिणात्य चित्रपटांसाठी खूप चांगले ठरले. शाहरुख खानचे पठाण, जवान आणि डंकी हे तीन चित्रपट बॉक्स ऑफिसवर यशस्वी ठरले. याशिवाय सनी देओलचा गदर 2, रणबीर कपूरचा ऍनिमल, रणवीर सिंग आणि आलिया भट्टच्या रॉकी और रानीच्या लव्हस्टोरीनेही बंपर कमाई केली. यासोबतच रजनीकांतचा जेलर आणि प्रभासचा सालार यांनीही जागतिक स्तरावर आपली क्षमता सिद्ध केली. त्याचबरोबर अनेक बड्या स्टार्सचे बहुप्रतिक्षित चित्रपट 2024 मध्ये प्रदर्शित होणार आहेत. यामध्ये अक्षय कुमार, अजय देवगण, हृतिक रोशन आणि प्रभाससह बिग बजेट चित्रपटांचा समावेश आहे. नवीन वर्षाची सुरुवात होताच सर्वांच्या नजरा बॉक्स ऑफिसच्या नव्या आकड्यांवर खिळल्या आहेत. चला तर मग बड्या स्टार्सच्या मोठ्या चित्रपटांच्या रिलीजकडे लक्ष देऊया-
‘फायटर’ चित्रपटातून हृतिक रोशन आणि दीपिका पदुकोण पहिल्यांदाच स्क्रिन शेअर करणार आहेत. घोषणा झाल्यापासून हा चित्रपट चर्चेत आहे. हा एरियल अॅक्शन चित्रपट 25 जानेवारी 2024 रोजी थिएटरमध्ये दाखल होणार आहे. सिद्धार्थ आनंद दिग्दर्शित या चित्रपटात करण सिंग ग्रोव्हर, अक्षय ओबेरॉय, संजीदा शेख आणि तलत अझीझ यांच्याही भूमिका आहेत. या चित्रपटाचे बजेट 250 कोटी रुपये असल्याचे सांगण्यात येत आहे. ‘फायटर’कडून निर्मात्यांच्या तसेच प्रेक्षकांच्याही मोठ्या अपेक्षा आहेत.
अक्षय कुमार आणि टायगर श्रॉफचा अॅक्शन चित्रपट ‘बडे मियाँ छोटे मियाँ’ देखील 2024 मध्ये धमाल करण्यासाठी सज्ज आहे. अॅक्शन, कॉमेडी, ड्रामा, संगीत आणि थरार असलेला हा एक मोठा चित्रपट आहे. ‘बडे मियाँ छोटे मियाँ’चे दिग्दर्शन अली अब्बास जफर करत आहेत. त्याच वेळी, वाशू भगनानी, दीपशिखा देशमुख, जॅकी भगनानी, हिमांशू किशन मेहरा आणि अली अब्बास जफर यांनी त्याची निर्मिती केली आहे. रिपोर्टनुसार, ‘बडे मियाँ छोटे मियाँ’चे बजेट 350 कोटी रुपये आहे.
कॉप युनिव्हर्सचा रोहित शेट्टीचा आगामी चित्रपट ‘सिंघम अगेन’ चर्चेत आहे. चित्रपट निर्माता रोहित शेट्टीच्या हिट ‘सिंघम’ फ्रँचायझीचा हा तिसरा भाग आहे. या चित्रपटात अजय देवगण सिंघमच्या भूमिकेत परतणार आहे, तर करीना कपूर खान, टायगर श्रॉफ, रणवीर सिंग, दीपिका पदुकोण आणि अक्षय कुमार यांच्याही या चित्रपटात महत्त्वाच्या भूमिका आहेत. अॅक्शन-एंटरटेन्मेंट ‘सिंघम अगेन’ 15 ऑगस्ट 2024 रोजी रिलीज होणार आहे. मीडिया रिपोर्ट्सनुसार, रोहित शेट्टीने हा सिनेमा बनवण्यासाठी जवळपास 200 कोटी रुपये खर्च केले आहेत.
कार्तिक आर्यन त्याच्या ‘चंदू चॅम्पियन’ या नवीन चित्रपटात काहीतरी वेगळं आणण्यासाठी त्याच्या कम्फर्ट झोनमधून बाहेर पडला आहे. अभिनेत्याने यासाठी चित्रपट निर्माते कबीर खान यांच्याशी सहयोग केला आहे, ज्यामध्ये तो अॅथलीटची भूमिका साकारताना दिसणार आहे. 14 जून 2023 रोजी मोठ्या पडद्यावर प्रदर्शित होणार्‍या या चित्रपटाबद्दल चाहत्यांना खूप उत्सुकता आहे. मिळालेल्या माहितीनुसार, हा सिनेमा बनवण्यासाठी अंदाजे 140 कोटी रुपये खर्च आला आहे.
नाग अश्विन दिग्दर्शित ‘कल्की 2898 एडी’ हा चित्रपट अधिकृत घोषणा झाल्यापासून सर्वांच्या मनात आहे. प्रभास, दीपिका पदुकोण, कमल हासन आणि अमिताभ बच्चन अभिनीत बिग बजेट चित्रपट जानेवारी 2024 मध्ये प्रदर्शित होण्याची शक्यता आहे. या चित्रपटात दुल्कर सलमान आणि दिशा पटानी यांच्याही प्रमुख भूमिका आहेत. चित्रपटाचे चित्रीकरण तेलुगू आणि हिंदीमध्ये एकाच वेळी झाले आहे. रिपोर्टनुसार, नाग अश्विनने या मोठ्या स्टार्सने जडलेल्या चित्रपटासाठी 600 कोटी रुपये खर्च केले आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
तिवारी आणि खान यांची सोयरीक जुळणार? पोरांच्या व्हायरल व्हिडिओने वेधले लक्ष
‘त्याच्यामुळे चित्रपटावर खूप प्रभाव पडला…’, राजकुमार हिरानी ‘डंकी’मध्ये विक्की कौशलला कास्ट करण्याच्या सांगितला किस्सा
