सोशल मीडिया इन्फ्लुएंसर ऑरी (Orry) उर्फ ओरहान अवतरमणी याच्याविरुद्ध गुन्हा दाखल करण्यात आला आहे. तो नुकताच माता वैष्णोदेवीच्या दर्शनासाठी गेला होता. त्याच्या धार्मिक प्रवासादरम्यान, कटरा येथील बेस कॅम्पमध्ये त्याने दारू पिल्याचा आरोप आहे. ऑरी आणि इतर आठ जणांविरुद्ध गुन्हा दाखल करण्यात आला आहे.
माध्यमांनी दिलेल्या वृत्तानुसार, ‘जम्मू आणि काश्मीर पोलिसांच्या म्हणण्यानुसार, कटरा येथील एका हॉटेलमध्ये दारू पिल्याच्या आरोपाखाली सोशल मीडिया इन्फ्लुएंसर ऑरीसह आठ जणांविरुद्ध एफआयआर दाखल करण्यात आला आहे’. कटरा येथील माता वैष्णोदेवी मंदिराच्या बेस कॅम्पवर दारू पिल्याबद्दल जम्मू आणि काश्मीर पोलिसांनी ऑरीविरुद्ध गुन्हा दाखल केला आहे. ऑरी व्यतिरिक्त, इतर आठ जणांविरुद्धही गुन्हा दाखल करण्यात आला आहे. यामध्ये एका रशियन नागरिकाचा समावेश आहे. कायद्यानुसार, या तीर्थक्षेत्रात मद्यपान आणि मांसाहार करण्यास सक्त मनाई आहे.
माता वैष्णो देवीच्या दर्शनासाठी धार्मिक प्रवासादरम्यान ऑरीने अशी चूक केली की आता त्याच्या अटकेची वेळ आली आहे. ऑरीच्या इंस्टाग्राम पोस्टनंतर हे घडले. ऑरीने कटरा येथील एका हॉटेलमध्ये दारू पितानाचा फोटो सोशल मीडियावर चाहत्यांसोबत शेअर केला होता. यानंतर त्याच्याविरुद्ध एफआयआर दाखल करण्यात आला आहे.
ऑरी आणि इतरांवर धार्मिक भावना दुखावल्याचा आरोप आहे. तसेच, जिल्हा दंडाधिकाऱ्यांच्या आदेशाचे उल्लंघन केल्याबद्दल ऑरी आणि इतरांविरुद्ध कटरा पोलिस ठाण्यात गुन्हा दाखल करण्यात आला आहे. ऑरी व्यतिरिक्त, इतर आरोपींची ओळख दर्शन सिंग, पार्थ रैना, हृतिक सिंग, राशी दत्ता, रक्षिता भोगल, शगुन कोहली आणि रशियन नागरिक अनास्तासिला अर्जामास्किना अशी झाली आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
सलमान खानच्या चाहत्यांसाठी मेजवानी; सिकंदर चित्रपटाच्या ट्रेलरसह रिलीझ होणार डान्स नंबर
चाहत्याने ‘इमर्जन्सी’साठी केली ऑस्करची मागणी; कंगना म्हणाली, ‘अमेरिकेने पुरस्कार त्यांच्याकडेच ठेवावा’
