ऑस्कर अकादमी (Oscar Academy)२०२८ मध्ये १०० वर्षे पूर्ण करत आहे. या निमित्ताने, अकादमीने स्टंट आर्टला मान्यता देण्याचा आणि त्याला अधिकृत पुरस्कार देण्याचा निर्णय घेतला आहे. चित्रपट उद्योगासाठी हा एक मोठा निर्णय आहे. या पुरस्काराचे नियम आणि कायदे जाणून घेऊया.
ऑस्कर फिल्म अकादमीने गुरुवारी सिनेसृष्टीतील कलाकारांना मोठी बातमी दिली. अकादमी आता स्टंट आर्टच्या क्षेत्रात स्टंट डिझाइन पुरस्कार देखील देईल. अकादमीच्या १०० व्या वर्धापन दिनानिमित्त हे लाँच केले जाईल. हा पुरस्कार २०२७ मध्ये प्रदर्शित होणाऱ्या चित्रपटांना दिला जाईल. फिल्म अकादमीच्या निर्मिती आणि तांत्रिक शाखेत १०० हून अधिक स्टंट कलाकारांचा समावेश आहे. स्टंटमन म्हणून प्रसिद्धी मिळवलेल्या ब्रॅड पॅट, डेव्हिड लीच सारख्या अभिनेत्यांसाठी हा खरा न्याय आहे.
चित्रपटसृष्टीच्या सुरुवातीपासूनच स्टंट कलाकारांनी चित्रपटांमध्ये अमूल्य योगदान दिले आहे. ऑस्कर अकादमीचे सीईओ बिल क्रॅमर आणि अध्यक्ष जेनेट यंग यांनी संयुक्तपणे सांगितले की, ‘या तांत्रिक आणि सर्जनशील कलाकारांच्या उत्कृष्ट कार्याचा सन्मान करताना आम्हाला अभिमान वाटतो आणि या महत्त्वाच्या प्रसंगापर्यंत पोहोचण्यासाठी त्यांनी दाखवलेल्या उत्कटतेबद्दल आणि समर्पणाबद्दल आम्ही त्यांचे अभिनंदन करतो.’
२०२८ मध्ये ऑस्कर अकादमी १०० वर्षे पूर्ण करत आहे. यानिमित्ताने एक भव्य कार्यक्रम आयोजित केला जाईल, ज्यामध्ये देश आणि जगातील लोक सहभागी होतील. अकादमी याबाबत अनेक मोठ्या घोषणा करत आहे. यापूर्वी, अकादमीने कास्टिंगमधील पुरस्कारांची घोषणा देखील केली होती, जे २०२५ पासून प्रदर्शित होणाऱ्या चित्रपटांना दिले जातील.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
मित्रांच्या घरी जर रेड पडली तर काय करशील ? अजय देवगणने दिले मजेदार उत्तर…
कपिल शर्माच्या ट्रान्सफॉर्मेशन सर्वांनाच बसला धक्का, जाणून घ्या वजन कमी करण्याचे सिक्रेट
