बॉलिवूड अभिनेत्री रकुल प्रीत सिंग (Rakul Preet Singh) आणि अभिनेता जॅकी भगनानी लवकरच लग्नबंधनात अडकणार आहेत. दोन्ही स्टार्सचे प्री-वेडिंग सेलिब्रेशनही सुरू झाले आहे. गुरुवारी जॅकी भगनानीच्या घरी ढोल नाईटचे आयोजन करण्यात आले होते, जिथे रकुल तिच्या संपूर्ण कुटुंबासह आली होती. रकुल आणि जॅकी 21 फेब्रुवारी रोजी गोव्यात एका साध्या पद्धतीने कुटुंब आणि जवळच्या मित्रांमध्ये लग्न करणार आहेत.
रकुल आणि जॅकी खूप दिवसांपासून एकत्र आहेत. त्यांच्या डेटींगच्या बातम्यांनाही खूप उधाण आले होते. या जोडप्याला अनेकदा अनेक कार्यक्रमांमध्ये एकत्र पाहिले गेले. जरी त्यांनी त्यांच्या नात्याबद्दल कधीही उघडपणे बोलले नाही, परंतु आता हे दोन्ही स्टार अधिकृतपणे कायमचे एकत्र राहण्यासाठी तयार आहेत. गुरुवारी रकुल तिचे आई-वडील आणि भावासोबत जॅकीच्या मुंबईत घरी पोहोचली. त्याचवेळी त्यांच्या कारच्या मागे आणखी काही गाड्यांचा ताफाही दिसला, ज्यामध्ये त्यांचे जवळचे नातेवाईक उपस्थित असल्याचे सांगितले जाते. हा व्हिडिओ सोशल मीडियावर व्हायरल झाला आहे.
हे जोडपे 21 फेब्रुवारीला गोव्यातील एका आलिशान हॉटेलमध्ये लग्नबंधनात अडकणार आहेत. विशेष म्हणजे या जोडप्याच्या प्रेमाची सुरुवात गोव्यात झाली आणि इथेच त्यांचे प्रेम फुलले, त्यामुळे या जोडप्याने गोव्यात लग्न करण्याचा निर्णय घेतला आहे. मात्र, यापूर्वी रकुल आणि जॅकीने मध्यपूर्वेत लग्न करण्याचा निर्णय घेतल्याचीही चर्चा होती. पण नंतर, पंतप्रधान नरेंद्र मोदी यांनी देशातील लोकांना विवाह आणि इतर मोठे कार्यक्रम परदेशाऐवजी भारतात आयोजित करण्याचे आवाहन केल्यावर या जोडप्याने त्यांच्या निर्णयावर पुनर्विचार केला आणि गोव्यात लग्नाचे नियोजन केले.
माध्यमातील वृत्तानुसार एक नव्हे तर पाच डिझायनर्स लग्नाच्या अनेक कार्यक्रमांसाठी तिचे ड्रेस तयार करतील. यामध्ये तरुण ताहिलियानी, शंतनू आणि निखिल, फाल्गुनी शेन पीकॉक, कुणाल रावल आणि अर्पिता मेहता यांसारख्या प्रसिद्ध डिझायनर्सचा समावेश आहे.
लग्नानंतर रकुल प्रीत सिंह यावर्षी ‘मेरी पटनी’च्या रिमेकमध्ये दिसणार आहे. चित्रपटाचे दिग्दर्शन मुदस्सर अजीज करत आहेत. तर, गेल्या वर्षी रकुल ‘छत्रीवाला’ आणि ‘आय लव्ह यू’ चित्रपटात दिसली होती. रकुलच्या लग्नासोबतच प्रेक्षक तिच्या पुढच्या चित्रपटाचीही आतुरतेने वाट पाहत आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘सत्यप्रेम की कथा’ च्या मराठमोळ्या दिग्दर्शकाने गुपचुप उरकला साखरपुडा; फोटो व्हायरल
‘व्हॅलेंटाईन डे’ निमित्ताने ‘ही अनोखी गाठ’मधील ‘मी रानभर’ प्रेमगीत प्रदर्शित
