बाहुबली अभिनेता राणा डग्गुबतीच्या चाहत्यांसाठी एक आनंदाची बातमी आहे. राणा लवकरच एका अशा व्यक्तिरेखेत दिसणार आहे ज्यामध्ये तो आजवर दिसला नाही. राणाला एका दमदार व्यक्तिरेखेत पाहण्याची चाहत्यांची खूप दिवसांपासून इच्छा होती. राणा लवकरच एका हॉरर चित्रपटात दिसणार आहे.
सध्या राणा त्याच्या आगामी बहुप्रतिक्षित वेब सीरिज ‘राणा नायडू’च्या दुसऱ्या सीझनच्या शूटिंगमध्ये व्यस्त आहे. या मालिकेच्या एका सीक्वेन्सच्या दुसऱ्या भागाचे शूटिंग सध्या मुंबईत सुरू आहे. मागच्या वेळेप्रमाणे या मालिकेतही राणाचे काका आणि दाक्षिणात्य अभिनेता व्यंकटेश महत्त्वाच्या भूमिकेत दिसणार आहेत.
मीडिया रिपोर्ट्सनुसार, राणा डग्गुबती त्याच्या तब्येतीच्या समस्येनंतर हळूहळू कामाकडे वळत आहे, ज्यामुळे तो बर्याच काळापासून ॲक्शन चित्रपटांपासून दूर आहे. आरोग्याशी संबंधित समस्यांमुळे, राणा आजकाल जास्त चित्रपटांमध्ये दिसत नाही आणि केवळ कमी बजेटच्या चित्रपटांत काम करत आहे.
राणाच्या चाहत्यांसाठी आता एक आनंदाची बातमी आहे की तो लवकरच ॲक्शन मोडमध्ये दिसणार आहे. दिग्दर्शक किशोर दिग्दर्शित एका हॉरर थ्रिलर चित्रपटात राणा दिसणार आहे. मात्र, दिग्दर्शक म्हणून किशोरचा हा पहिलाच चित्रपट असेल. गेल्या वर्षभरापासून या चित्रपटाच्या प्री-प्रॉडक्शनचे काम सुरू आहे. या हॉरर चित्रपटाचे शूटिंग यावर्षी नोव्हेंबरमध्ये सुरू होण्याची शक्यता आहे.
चित्रपटाच्या बजेटबद्दल बोलताना बाहुबली निर्माते अर्का मीडिया हा चित्रपट कमी बजेटमध्ये बनवण्याचा विचार करत आहे. राणा पहिल्यांदाच एका हॉरर थ्रिलरवर काम करणार आहे. मीडिया रिपोर्ट्सनुसार, या चित्रपटात तो एका वेड्याच्या भूमिकेत दिसणार आहे. सध्या, राणा त्याच्या राणा नायडू मालिकेच्या दुसऱ्या भागाच्या शूटिंगमध्ये व्यस्त आहे, जी लवकरच ओटीटी प्लॅटफॉर्मवर प्रदर्शित होणार आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
कोलकत्ता केस वर आल्या बॉलीवूड कलाकारांच्या तीव्र प्रतिक्रिया; महिला कुठेही सुरक्षित नाहीत…
