बुधवारी रात्री उशिरा एका व्यक्तीने बॉलिवूड अभिनेता सैफ अली खानच्या (Saif Ali Khan) वांद्रे येथील घरात घुसून अभिनेत्यावर हल्ला केला. या हल्ल्यात सैफसोबत त्याच्या मुलाची आयाही जखमी झाली.
वांद्रे पोलिस स्टेशनमध्ये दाखल केलेल्या एफआयआरनुसार, ही घटना पहाटे २.३० च्या सुमारास घडली. त्यावेळी सैफचे कुटुंब आणि कर्मचारी झोपले होते. सैफची ५६ वर्षीय नर्स इलियामा फिलिप यांनी पोलिसांना घटनेची माहिती देताना सांगितले की, हल्लेखोर हा एक तरुण होता, जो सुमारे ३० वर्षांचा होता. तो बारीक होता.
एफआयआरनुसार, हल्लेखोर प्रथम सैफचा चार वर्षांचा मुलगा जेह याच्या खोलीत घुसला आणि त्याने नर्सकडून १ कोटी रुपयांची मागणी केली. जेव्हा नर्सने प्रतिकार केला तेव्हा हल्लेखोराने तिच्यावर चाकूने वार केले, ज्यामुळे तिच्या हाताला आणि मनगटाला दुखापत झाली.
गोंधळ ऐकून सैफच्या मुलाची आजी जुनू जागे झाली आणि ओरडू लागली. यामुळे सैफ अली खान आणि त्याची पत्नी करीना कपूर खान घटनास्थळी पोहोचले. सैफने घुसखोराचा सामना करून आपल्या कुटुंबाला वाचवण्याचा प्रयत्न केला आणि तो जखमी झाला.
त्याच्या मानेवर, खांद्यावर, पाठीवर आणि मनगटावर जखमा झाल्या. आणखी एक कर्मचारी, गीता, हस्तक्षेप करण्याचा प्रयत्न करताना जखमी झाली. अतिरिक्त कर्मचारी येण्यापूर्वीच घुसखोर घटनास्थळावरून पळून गेला. पोलिसांनी या प्रकरणाचा तपास सुरू केला आहे. पोलिस या घटनेला सशस्त्र दरोडा आणि हल्ल्याचा गुन्हा मानत आहेत. पोलिसांच्या मते, संशयिताची उंची अंदाजे ५ फूट ५ इंच आहे. घटनेदरम्यान त्याने काळे कपडे आणि टोपी घातली होती. सध्या सैफ अली खानसह जखमींवर उपचार सुरू असून त्यांची प्रकृती स्थिर असल्याचे सांगण्यात येत आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
रुपाली गांगुली प्रकरणावर मुंबई उच्च न्यायालयाने दिला निकाल, मानहानीच्या प्रकरणात दिलासा
हास्याची नवी लहर; ‘ऑलमोस्ट कॉमेडी’ चा टीझर प्रदर्शित २४ जानेवारीपासून एव्हरेस्ट हास्य मराठी यूट्यूब चॅनेलवर..
