सलमान खान म्हटलं तर आपसूकच डोळ्यासमोर येतात ते ‘हम आपके है कौन’, ‘हम साथ साथ है’, ‘रेडी’ आणि ‘दबंग’ यांसारखे नावाजलेले चित्रपट. पण याच चित्रपटांच्या अगोदर बॉलिवूडमध्ये पदार्पण करण्यापूर्वी सलमान खानने साईड डान्सर म्हणून देखील काम केले होते. त्यावेळी मुख्य कलाकाराच्या मागे नाचण्यासाठी सलमान खान याला अवघे ७५ रुपये मानधन मिळाले होते आणि आपल्या आयुष्यातील तो पहिला पगार असल्याचे त्याने एका कार्यक्रमात देखील सांगितले होते. त्यानंतर त्याला एका सॉफ्ट ड्रिंकच्या ब्रँडची जाहिरात करण्यासाठी ७५० रुपये मिळत होते आणि काही दिवसांनी ते वाढवण्यात देखील आले.
सलमान खान हा बॉलिवूडमधील सर्वाधिक मानधन घेणारा कलाकार आहे. आज भारतीय चित्रपटसृष्टीतील सर्वाधिक मानधन घेणारा सर्वात श्रीमंत कलाकार म्हणून सलमान खानला ओळखले जाते. सध्या सलमान खानने बिग बॉसच्या सूत्रसंचालनाची जबाबदारी हातात घेतली आहे आणि प्रेक्षकांचा सुद्धा तितकाच प्रतिसाद या कार्यक्रमाला आहे.
सलमान खान याने ‘बिवी हो तो ऐसी’ या चित्रपटातून बॉलिवूडमध्ये पदार्पण केले असले, तरी त्याला खरी ओळख आणि प्रसिद्धी मिळाली ती ‘मैने प्यार किया’ या चित्रपटामुळेच.
‘मैने प्यार किया’ या चित्रपटासाठी सलमान खानला फक्त ३१००० रुपये दिले गेले होते. परंतु हा चित्रपट मोठ्या प्रमाणावर हिट झाल्यामुळे या चित्रपटाच्या निर्मात्याने त्याला आणखी ७५००० रुपये देऊ केले आणि हाच चित्रपट सलमान खानच्या आयुष्यातील सफलतेचा टर्निंग पॉइंट ठरला.
त्यानंतर सलमान खानने अनेक हिट चित्रपट देऊन बॉलिवूडमधील आपले स्थान यशाच्या शिखरावर पोहोचवले. त्याच्या या यशामुळे सलमान खानसोबत काम करण्यासाठी अनेक अभिनेत्री वेटिंग लिस्टवर आहेत.
सलमान खानचा ‘ बजरंगी भाईजान’ आणि ‘सुलतान’ हे चित्रपट बॉक्स ऑफिस वर ३०० कोटींच्या घरात कमाई करणारे मुख्य दोन चित्रपट असून आजही जनता हे चित्रपट आवडीने पाहत असते, त्याचप्रमाणे ‘दबंग’, ‘प्रेम रतन धन पायो’, ‘किक’, ‘भारत’ या चित्रपटांनी देखील बॉक्स ऑफिसवर चांगली कमाई केली असल्याचे दिसून येते.
सलमान खानच्या आगामी चित्रपटांबद्दल बोलायचे झाल्यास, एकीकडे तो आपल्या बिग बॉसच्या कार्यक्रमाचे सूत्रसंचालन करतोय, तर दुसरीकडे त्याच्या ‘राधे’ या चित्रपटाचे शूटिंग चालू आहे. हा चित्रपट याचवर्षी रिलीज होणार होता, पण कोरोनामुळे या चित्रपटाच्या चित्रीकरणात खंड पडला.
सध्या सलमान खान महेश मांजरेकर दिग्दर्शित ‘अंतिम’ या चित्रपटामध्ये व्यस्त असून या चित्रपटात त्याचा बहिणीचा पती आयुष शर्मा देखील असल्याचे बोललं जात आहे.
महत्त्वाच्या बातम्या-
काय भाऊ? पाहिली का नाही सलमान खानची होणारी वाहिनी?
सलमान खानचा शेतकरी आंदोलनाला पाठिंबा? चित्रपट श्रुष्टी आणि चाहत्यांमध्ये चर्चेला उधाण
Big Boss 14: सलमान खानने घेतला ‘या’ कंटेंस्टेंटचा समाचार; म्हणाला, ‘ताट घेऊन भीक…’
