बॉलिवूडचा भाईजान सलमान खान(Salman Khan) याचा जगभरात मोठा चाहतावर्ग आहे. पण त्याच्या चाहत्यांमध्ये अनेक खेळाडू यांचाही समावेश आहे. पण बॉक्सर निखत झरीन ही त्याची सर्वात मोठी चाहती आहे. नुकतीच भारताची प्रसिद्ध महिला बॉक्सर निखत झरीन आणि सलमान खान यांची भेट झाली.
निखत झरीन हिचं बॉक्सिंगवर जितकं प्रेम आहे, तितकंच तिचं सलमानवरही प्रेम आहे. निखत झरीनची गेली अनेक वर्ष सलमानला भेटण्याची इच्छा होती. तिने यापूर्वी अनेक मुलाखतींमध्ये ती इच्छा बोलूनही दाखवली आहे. आता अखेर निखतचं सलमानला भेटण्याचं स्वप्न पूर्ण झालं आहे. नुकतीच तिने सलमान खानची भेट घेतली आहे.
मे 2022 मध्ये महिला वर्ल्ड चॅम्पियनशिपमध्ये निखा जरीनने 52 किलो वजनी गटात भारतासाठी सुवर्णपदक जिंकले तेव्हा सलमान खानने ट्विटरद्वारे तिचे अभिनंदन केले. आणि आता एक दिवसापूर्वी निखतने त्याच्या ट्विटर हँडलवर एक व्हिडिओ शेअर केला आहे, ज्यामध्ये तो ‘लव्ह’ चित्रपटातील ‘साथिया’ गाण्यावर सलमानसोबत डान्स करताना दिसत आहे.
Finallyyyyy intezar khatam hua❤️@BeingSalmanKhan #fanmoment#dreamcometrue#salmankhan pic.twitter.com/pMTLDqoOno
— Nikhat Zareen (@nikhat_zareen) November 8, 2022
या व्हिडिओमध्ये सलमान खान पांढरा शर्ट आणि काळ्या पॅन्टमध्ये दिसत आहे. तर निखत जरीन निळ्या आणि पांढऱ्या रंगाच्या आउटफिटमध्ये दिसत आहे. या व्हिडिओमध्ये दोघेही ‘साथिया तुने क्या किया’ गाण्यावर डान्स करत आहेत. हा व्हिडिओ शेअर करताना निखत जरीनने एक खास कॅप्शनही लिहिलं आहे. तिने लिहिलं, “अखेर प्रतीक्षा संपली आहे.” निखत जरीन आणि सलमान खानचा हा व्हिडिओ सोशल मीडियावर मोठ्या प्रमाणात व्हायरल होत आहे. या दोघांच्याही चाहत्यांना हा व्हिडीओ खूप आवडला आहे.
हा व्हिडीओ पाहून चाहते प्रतिक्रिया दिल्या
निखत झरीनने हा व्हिडिओ सोशल मीडियावर शेअर करताच चाहत्यांच्या कमेंट्स येऊ लागल्या. एका चाहत्याने लिहिले, “माहित नाही, पण भाईला या गाण्यावर नाचताना पाहून मी भावूक झालो… लव्ह यू भाई आणि या व्हिडीओसाठी मनापासून धन्यवाद आणि छान वाटले.” तर दुसऱ्याने लिहिले, “खूप अभिनंदन. शेवटी तू त्याला भेटलास… बॉक्सरबरोबरच तू एक चांगली अभिनेत्री आहेस… देव तुला आशीर्वाद देईल.”
सलमानच्या ट्विटवर निखतने आनंद व्यक्त केला
मे महिन्यात निखत जरीनने सुवर्णपदक जिंकले तेव्हा सलमानने तिला शुभेच्छा दिल्या होत्या. प्रत्युत्तरादाखल तिने लिहिले की, “एक फॅनगर्ल म्हणून, हे माझ्या आवडत्या स्वप्नांपैकी एक आहे जे पूर्ण झाले आहे. सलमान माझ्यासाठी ट्विट करेल यावर विश्वासच बसत नव्हता. मी खूप कृतज्ञ आहे. माझा विजय अधिक खास बनवल्याबद्दल धन्यवाद. हा क्षण मी नेहमी माझ्या हृदयात जपून ठेवीन.”
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
KILLER! श्वेताने पुन्हा वाढवलं सोशल मीडियाचं तापमान
सहाय्यक दिग्दर्शक ते अभिनेता प्रवास करूनही हर्षवर्धन मिळवू शकला नाही लोकप्रियता, वडिलांसोबत दिसण्याची चर्चा