साऊथ सिनेसृष्टीतील प्रसिद्ध अभिनेत्री समंथा रुथ प्रभू (Samantha Ruth Prabhu) सोशल मीडियावर खूप सक्रिय असते. ती अनेकदा तिच्या चाहत्यांसोबत फोटो-व्हिडिओ शेअर करताना दिसते. यासोबतच ती तिच्या पर्सनल-प्रोफेशनल लाईफबद्दलही अपडेट्स देत असते. पण, समंथा गेल्या पंधरा दिवसांपासून सोशल मीडियापासून दूर आहे. त्यामुळे तिच्या चाहत्यांची चिंता वाढली आहे. समंथा रुथ प्रभूने ३० जूनपासून कोणतीही पोस्ट शेअर केलेली नाही. त्यामुळे अभिनेत्रीचे चाहते चिंतेत आहेत.
नेहमी शेअर करते पोस्ट
चाहत्यांना सोशल मीडियावर त्यांच्या आवडत्या अभिनेत्रीच्या पोस्ट दिसत नाहीयेत, यामुळे ते अस्वस्थ आहेत. केवळ इन्स्टाग्रामच नाही, तर समंथा कोणत्याही सोशल मीडिया प्लॅटफॉर्मवर सक्रिय दिसत नाहीये. सगळ्यांना हे चांगलंच माहीत आहे की, ती सोशल मीडियावर खूप सक्रिय असते. तिने नागा चैतन्यसोबत (Naga Chaitanya) घटस्फोटाची घोषणा केली, तेव्हाही ती चाहत्यांना क्षणोक्षणी अपडेट देत होती. मात्र, सध्या ती अनेक दिवसांपासून सोशल मीडियावरून गायब आहे. (samantha ruth prabhu is not active on social media)
वेगवेगळे अंदाज लावतायेत चाहते
समांथा सोशल मीडियावरून गायब झाल्यापासून चाहते चिंतेत आहेत. प्रत्येकजण वेगवेगळे अंदाज बांधत आहे. अभिनेत्रीच्या अनेक चाहत्यांचा असा विश्वास आहे की, समंथा सोशल मीडिया डिटॉक्सवर गेली असावी. त्याच वेळी, काही जण म्हणत आहेत की, सामंथा कदाचित तिच्या चाहत्यांशी आणि फॉलोव्हर्सशी संवाद साधण्याच्या मूडमध्ये नसेल. कदाचित काही वैयक्तिक कारण असू शकते.
समंथाच्या एका चाहत्याने सांगितले की, समंथा काही मोठ्या प्रोजेक्टची तयारी करत असावी. कदाचित त्यामुळेच ती सोशल मीडियापासून दूर आहे. कदाचित, ती काहीतरी मोठे करण्याचा विचार करत आहे. दुसरा चाहता म्हणाला, आशा आहे समंथा ठीक असेल. समंथा अनेकदा तिच्या कुत्र्यासोबत खेळायची किंवा वर्कआउट व्हिडिओ पोस्ट करायची. पण आता काहीच पोस्ट येत नसल्याने चाहते तिची आठवण काढत आहेत.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
हेही वाचा
