समंथा रुथ प्रभू (Samantha Ruth Prabhu) ही दक्षिण चित्रपटांची लोकप्रिय अभिनेत्री आहे. अलीकडेच ती ‘पुष्पा’ चित्रपटातील ‘ओ अंतवा’ या आयटम नंबरमध्ये दिसली होती, जे खूप गाजले होते. अभिनेत्रीने ‘ये माया चेसावे’ या चित्रपटातून तिच्या अभिनय कारकिर्दीला सुरुवात केली आणि टीव्हीवरही हात आजमावला. सध्या अशी बातमी येत की, अभिनेत्री ‘बिग बॉस तेलुगु ६’ होस्ट करणार आहे. जर ही बातमी खरी असेल, तर ती तिचे माजी सासरे नागार्जुन (Nagarjuna) यांची जागा घेऊन ती शोमध्ये प्रवेश करेल.
‘बिग बॉस’ तेलुगुमध्ये नागार्जुनची जागा घेणार समंथा
नागार्जुन हे ‘बिग बॉस’ तेलुगुचे तीन सीझन होस्ट करत आहेत. हिंदी ‘बिग बॉस’मध्ये सलमान खानची (Salman Khan) होस्टिंग पसंत केली जाते, तर तेलुगू ‘बिग बॉस’मध्ये नागार्जुनलाही प्रेक्षकांचे भरभरून प्रेम मिळाले आहे. आता या शोमध्ये नागार्जुनची जागा खरोखरच समंथा घेते की, नाही हे पाहणे रंजक ठरेल. (samantha ruth to replace her ex father in law akkineni nagarjuna in bigg boss telugu 6)
समंथाच्या बॉलिवूड पदार्पणाची आतुरतेने वाट पाहत आहेत चाहते
समंथा सोशल मीडियावर खूप सक्रिय असते. इंस्टाग्रामवर समंथाचे अनेक फोटो-व्हिडिओ सतत व्हायरल होत असतात. अभिनेत्री ओटीटीवर ‘द फॅमिली मॅन २’ या हिंदी वेब सिरीजमध्ये दिसली आहे. अशात तिला बॉलिवूड चित्रपटांमध्येही पाहण्याची इच्छा प्रेक्षकांनी अनेकदा व्यक्त केली आहे.
अभिनेत्री अखेरची विघ्नेश शिवनच्या ‘काथु वाकुला रेंदु काधल’मध्ये दिसली होती. या चित्रपटात नयनतारा आणि विजय सेतुपती देखील दिसले होते. तिच्या आगामी चित्रपटांबद्दल बोलायचे झाले तर, समंथा ‘कुशी’मध्ये विजय देवरकोंडासोबत दिसणार आहे. हा एक रोमँटिक चित्रपट असेल. याशिवाय समंथा ‘शाकुंतलम’ आणि ‘यशोदा’ या चित्रपटातही दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा
