बॉलिवूडचा बादशाह शाहरुख खान गेल्या अनेक दिवसांपासून कोणत्या ना कोणत्या कारणाने चर्चेत आहे. शाहरुख शनिवारी पुन्हा एकदा चर्चेत आला आहे. नुकतीच अभिनेत्याच्या घरातील मन्नतमध्ये नवीन नेम प्लेट लावण्यात आली आहे. या नवीन नेम प्लेटचे फोटो समोर आल्यानंतर मन्नत सोशल मीडियावर ट्रेंड करू लागली.
नेम प्लेटचा फोटो शेअर करून चाहते आपल्या प्रतिक्रिया देत आहेत. एका चाहत्याने मन्नतच्या नावाच्या प्लेटचे चार वेगवेगळे फोटो शेअर केले आणि लिहिले, ‘#Development of Mannat नेम प्लेट’. आणखी एका चाहत्याने नवीन नेम प्लेटचा फोटो शेअर केला आणि लिहिले, ‘मन्नतची नवीन नेम प्लेट. मन्नत हे स्टारडम, प्रेम, भावना, आवड, मेहनत आणि समर्पण यांचे प्रतीक आहे.
This design will be forever iconic.
Simple, unassuming and classy, just like you @iamsrk. Not a fan of the new one to be honest. #Mannat pic.twitter.com/Nbq8Nnrah6
— Samina ✨ (@SRKsSamina_) April 22, 2022
त्याचवेळी एका चाहत्याने लिहिले, “देवाचा स्वर्ग. शाहरुख खान असेल तर नेम प्लेटही ट्रेंड करू लागते.” शाहरुखचा मन्नत हा बंगला मुंबईतील वांद्रे येथे समुद्राच्या बाजूला आहे. त्याची किंमत सुमारे २०० कोटी रुपये आहे.
अलीकडेच शाहरुखने इंस्टाग्रामवर एक व्हिडिओ शेअर करून दिग्दर्शक राजकुमार हिरानीसोबत त्याच्या डंकी चित्रपटाची घोषणा केली. हा चित्रपट २२ डिसेंबर २०२३ रोजी रिलीज होणार आहे. मात्र, त्यांनी या चित्रपटाबाबत अधिक माहिती दिली नाही. डंकीच्या आधी शाहरुख अॅक्शन थ्रिलर पठाणमध्ये दिसणार आहे. या चित्रपटात दीपिका पदुकोण आणि जॉन अब्राहम यांच्याही भूमिका आहेत. सिद्धार्थ आनंद दिग्दर्शित हा चित्रपट २५ जानेवारी २०२३ रोजी थिएटरमध्ये दाखल होणार आहे.
मागील काही दिवसांपूर्वी शाहरुख खानचा मुलगा आर्यन खान देखील जोरदार चर्चेत होता. अंमली पदार्थ प्रकरणात त्याचा हात असल्याच्या आरोपाखाली महिनाभर तो जेलमध्ये होता. त्यानंतर देखील त्यांच्या गराची म्हणजे मन्नतची सोशल मीडियावर खूप चर्चा चालू होती.
- दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
- BIRTHDAY SPECIAL |शाहरुख- काजोललाही आपल्या इशाऱ्यावर नाचवणाऱ्या वरुण धवनचा असा आहे सिनेसृष्टीतील प्रवास, एकदा नजर टाका
- जेव्हा वरुण धवनच्या भावाने खुलेआम मारल्या होत्या ६ वेळा कानशिलात, अभिनेत्याने स्वतः केला खुलासा
- घरात शाहरुख खानवर ‘अशी’ ओरडते पत्नी गौरी, ‘त्या’ व्हिडिओने उघड केल्या प्रायव्हेट गोष्टी
