मार्व्हल स्टुडिओजने निर्माण केलेल्या जगाच्या खूप आधी आपल्या भारतीय टीव्ही इंडस्ट्रीमध्ये एक सुपरहिरो होता, जो लहान मुलांच्या हृदयावर राज्य करत असे. आम्ही बोलत आहोत ९०च्या दशकातील प्रसिद्ध सुपरहिरोवर आधारित मालिका ‘शक्तिमान’, ज्याला देशातील पहिली सुपरहिरो मानले जाते. त्या काळात, शक्तिमान हे सर्वांचे आवडते पात्र मुकेश खन्ना (Mukesh Khanna) यांनी साकारले होते.
‘महाभारत’मध्ये त्यांनी साकारलेल्या भीष्माच्या पात्राप्रमाणेच त्यांच्या या भूमिकेलाही प्रेक्षकांनी दाद दिली होती. या मालिकेची लोकप्रियता पाहून आता नुकतीच ‘शक्तीमान’ चित्रपटाची घोषणा करण्यात आली. आता या चित्रपटाच्या स्टारकास्टबद्दल एक मोठी बातमी समोर येत आहे, ज्यामध्ये एका मोठ्या बॉलिवूड स्टारचे नाव समोर येत आहे. (shaktimaan film makers approached ranveer singh)
‘शक्तिमान’मध्ये रणवीर सिंगची एन्ट्री
सोनी पिक्चर्स इंटरनॅशनल प्रोडक्शनने नुकताच एक टीझर रिलीज केला आहे. या टीझरमध्ये ‘शक्तिमान’ चित्रपटाची पहिली झलक दाखवण्यात आली आहे. तरीही निर्मात्यांनी चित्रपटाच्या कलाकार आणि दिग्दर्शकाविषयी कोणतीही माहिती दिली नाही. पण, आता ‘शक्तीमान’ चित्रपटासाठी इंडस्ट्रीतील एका नामवंत कलाकाराला अप्रोच करण्यात आल्याचं कळतंय. एका मीडिया रिपोर्टनुसार, ‘शक्तिमान’च्या निर्मात्यांनी रणवीर सिंगला (Ranveer Singh) या चित्रपटात मुख्य भूमिका साकारण्याची ऑफर दिली आहे. रणवीरने या प्रस्तावात उत्सुकता दाखवल्याचेही अहवालात नमूद करण्यात आले आहे. मात्र त्याने अद्याप हा चित्रपट साईन केलेला नाही.
हा सुपरहिरो चित्रपट सोनी पिक्चर्स आणि मुकेश खन्ना यांच्या भीष्म इंटरनॅशनलच्या बॅनरखाली बनवला जाणार आहे. अहवालात पुढे म्हटले आहे की, निर्मात्यांना वाटते की रणवीर हे सुपरहिरोचे पात्र पडद्यावर नैसर्गिकरित्या साकारू शकतो. अभिनेता आणि त्याच्या टीमशी बोलणी सुरू आहेत. या संदर्भात मुकेश खन्ना यांच्याशी संपर्क साधला असता त्यांनी कोणतीही माहिती देण्यास नकार दिला. मात्र त्यांनी या वृत्ताचे खंडनही केलेले नाही.
रणवीर सिंगचे चित्रपट
‘जयेशभाई जोरदार’मध्ये अखेरचा दिसलेल्या रणवीर सिंगचा हा चित्रपट बॉक्स ऑफिसवर फ्लॉप ठरला असला, तरी त्याचा त्याच्या कामावर फारसा परिणाम झालेला नाही. रणवीर आता ‘रॉकी और रानी की प्रेमकहानी’ या चित्रपटात दिसणार आहे. या चित्रपटात रणवीरशिवाय आलिया भट्ट (Alia Bhatt), शबाना आझमी (Shabana Azmi), धर्मेंद्र (Dharmendra) आणि जया बच्चन (Jaya Bachchan) यांच्याही भूमिका आहेत. याशिवाय रणवीरकडे रोहित शेट्टीचा (Rohit Shetty) ‘सर्कस’ हा चित्रपट आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
हेही वाचा
