गायक जुबिन नौटियाल आणि ‘कबीर सिंह’ फेम निकिता दत्ता त्यांच्या प्रेम प्रकरणामुळे ते सतत चर्चेत असतात. दोघेही नुकतेच जुहू येथील एका कॅफेमध्ये स्पॉट झाले होते. निकिता दत्ताला अनेकदा विमानतळावर जुबिन नौटियालसोबत पाहिले गेले आहे. दोघेही सोशल मीडियावर एकमेकांच्या पोस्टवर अनेकदा प्रतिक्रिया देतात. नुकतीच निकिता दत्ता काश्मीरमध्ये शूटवर होती, तेव्हाही जुबिनने तिच्या फोटोवर कमेंट केली होती. त्यामुळे दोघेही रिलेशनशिपमुळे अनेकदा चर्चेत येत असतात.
गायक जुबिन हा देहरादूनचा रहिवासी आहे आणि अनेकदा तिथले फोटो शेअर करत असतो, तर निकिता काश्मीरच्या शूटिंगदरम्यान वैष्णोदेवीलाही गेली होती. असेही म्हटले जात आहे की दोघांच्या कुटुंबीयांचीही भेट झाली आहे आणि लवकरच जुबिन आणि निकिता दत्ता लग्नाच्या बंधनात अडकू शकतात. समोर आलेल्या बातमीनुसार, जेव्हा जुबिनला त्याच्या आणि निकिताच्या नात्यावर आणि ते दोघं रिलेशनशिपमध्ये आहेत की नाही हे जाणून घेण्याचा प्रयत्न केला गेला तेव्हा त्याने या प्रश्नाचे उत्तर दिले.
यावेळी तो म्हणाला की “आम्ही यावर भाष्य करू इच्छित नाही. मी निकिताला ‘एक दुजे के वास्ते’ हा टीव्ही शो केल्यापासून ओळखतो. त्या शोमध्ये मी एक गाणे गायले होते आणि तेव्हाच आमची भेट झाली. आम्ही दोघेही एकमेकांना चांगले ओळखतो. आम्ही काही वेळ जुहू येथील एका कॅफेमध्ये हँग आउट करत होतो. आम्ही डेटिंग करत आहोत की नाही यावर मी भाष्य करू इच्छित नाही, कारण त्याचा अर्थ दुसरा निघू शकतो, आणि आम्हाला चर्चेचा भाग बनायचे नाही.
त्याच वेळी, निकिताने या विषयावर बोलण्यास स्पष्टपणे नकार दिला आहे. निकिता दत्ता ‘एक दुजे के वास्ते’, ‘ड्रीम गर्ल’, ‘गोल्ड’ आणि ‘कबीर सिंह’ सारख्या अनेक टीव्ही शो आणि चित्रपटांमध्ये दिसली आहे. त्याचवेळी, जुबीन संगीतकार, गायक आणि कलाकार आहे. ‘शेरशाह’, ‘बजरंगी ‘भाईजान’, ‘राबता’, ‘ट्यूबलाइट’, ‘बादशाहो’ यांसारख्या अनेक हिट चित्रपटांमध्ये त्यांनी हिट गाणी गायली आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
