अजय देवगण (Ajay Devgan) त्याच्या आगामी चित्रपट ‘सिंघम 3’ मध्ये आपल्या डॅशिंग स्टाईलने प्रेक्षकांची मने जिंकण्यासाठी येत आहे. तसेच, अभिनेता चित्रपटातील प्रत्येक सीन स्वत: करत आहे, कारण त्याला बॉडी डबल वापरण्याची सवय नाही. रोहित शेट्टीच्या दिग्दर्शनाखाली बनत असलेल्या या चित्रपटाचे शूटिंग मोठ्या धूमधडाक्यात सुरू झाले. मात्र, आता अजयसोबत सेटवर एक घटना घडली आहे, ज्यामुळे त्याला डॉक्टरांचा सल्ला घ्यावा लागला आहे.
अजय देवगणला ‘सिंघम 3’ च्या शूटिंग सेटवर डोळ्याला दुखापत झाली होती, त्यामुळे तो नेत्ररोग तज्ञांचा सल्ला घेत आहे. एका सूत्राने सांगितले की, ‘अभिनेत्याच्या दुखापतीमुळे सिंघम 3 ची शूटिंग सध्यातरी रद्द करण्यात आली आहे.’ अहवालात पुढे लिहिले आहे की, ‘शक्‍य आहे की आता शूटिंग सुरू होईल, टीम सिंघम 3 चे शुटिंग आधी हैदराबादमध्ये करू शकते, कारण 2024 च्या सुरूवातीला या तारखा आधीच निश्चित झाल्या आहेत. डिसेंबर 2023 साठी रद्द करण्यात आलेले मुंबई शूट 2024 मध्ये हैदराबादच्या वेळापत्रकानुसार होईल.
यादरम्यान रोहित शेट्टी इतर स्टार्ससोबत शूट करू शकतो का, असा प्रश्न सोर्सला विचारण्यात आला. तर उत्तर आले, ‘नाही, चित्रपटातील मुख्य माणूस अजय आहे, आणि उर्वरित भागाच्या शूटिंगमध्ये त्याची खूप गरज आहे. इतर स्टार्सनी त्यांचे बहुतांश शूटिंग पूर्ण केले आहे.
‘सिंघम 3’मध्ये देवगणसोबत अक्षय कुमार, करीना कपूर, रणवीर सिंग, दीपिका पदुकोण (कॅमिओमध्ये), टायगर श्रॉफ, अर्जुन कपूर आणि श्वेता तिवारी महत्त्वाच्या भूमिकेत आहेत. हा एक बहुप्रतिक्षित चित्रपट आहे, ज्याच्या फ्रेंचायझीचे पहिले दोन भाग बॉक्स ऑफिसवर यशस्वी ठरले आहेत.
या अॅक्शन फ्रँचायझीची सुरुवात 2011 मध्ये रिलीज झालेल्या ‘सिंघम’ चित्रपटापासून झाली आणि त्यानंतर 2014 मध्ये रिलीज झालेल्या ‘सिंघम रिटर्न्स’ चित्रपटाने सुरुवात केली. या पोलिस ड्रामामध्ये अजय देवगण बाजीराव सिंघमच्या मुख्य भूमिकेत आहे, जो अन्यायाविरुद्ध लढतो आणि पीडितांना न्याय देतो.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
भांडणांमध्ये रागाच्याभरात विकीने उचलला अंकितावर हात, सोशल मीडियावर व्हिडिओ व्हायरल
पहिल्याच दिवशी ‘सालार’ची छप्परफाड कमाई, तर ‘अशी’ आहे इतर चित्रपटांची अवस्था
