बॉलिवूडचा खिलाडी अक्षय कुमारचा मराठी चित्रपट ‘वेदात मराठे वीर दौडले सात’च्या शूटिंगशी संबंधित एक मोठी बातमी समोर येत आहे. त्याच्या या मराठी चित्रपटाची चाहते आतुरतेने वाट पाहत आहेत. मीडिया रिपोर्ट्सनुसार, आता त्याच्या चित्रपटाचे शूटिंग थांबवण्यात आले आहे. बजेटच्या समस्येमुळे निर्माता वसीम कुरेशी यांनी चित्रपटाचे शूटिंग थांबवले आहे.
अक्षय कुमारच्या ‘वेदात मराठे वीर दौडले सात’ या मराठी चित्रपटाशी संबंधित एका सूत्राने सांगितले की, जवळपास 50 टक्के शूटिंग पूर्ण झाले आहे. अक्षय कुमारने चित्रपटात छोटी भूमिका साकारली आहे. अभिनेत्याला त्याच्या फीचा मोठा भाग देखील देण्यात आला आहे. मात्र, अक्षयने त्याचे शूटिंग पूर्ण केले आहे की चित्रीकरण पुन्हा सुरू झाल्यावर त्याला ‘वेदात मराठे वीर दौडे सात’च्या सेटवर परतावे लागेल हे स्पष्ट झालेले नाही.
अक्षय कुमारला नोव्हेंबर 2022 मध्ये मराठी चित्रपट देण्याची घोषणा करण्यात आली होती. शिवाय, ‘वेदात मराठे वीर दौडे सात’ या ऐतिहासिक काळातील चित्रपटात तो छत्रपती शिवाजी महाराजांची भूमिका साकारणार असल्याचे निर्मात्यांनी जाहीर केले होते. एका महिन्यानंतर, अक्षयने महान सम्राट म्हणून त्याचा एक छोटा व्हिडिओ जारी केला, ज्याने सर्वांचे लक्ष वेधून घेतले. या व्हिडिओच्या लॉन्च इव्हेंट दरम्यान, निर्मात्यांनी घोषणा केली की हा चित्रपट दिवाळी 2023 ला प्रदर्शित होईल. मात्र गेल्या वर्षी काही कारणास्तव चित्रपटाची रिलीज डेट पुढे ढकलण्यात आली होती.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
शोनाली बोसच्या पुढच्या चित्रपटात राणी मुखर्जीची एन्ट्री? या महिन्यापासून शूटिंग सुरू करण्याची तयारी
उर्फी जावेदने उघड केली टीव्ही इंडस्ट्रीची काळी बाजू; म्हणाली, ‘मी तेव्हा खूप रडले…’
