अभिनेत्री सोनाक्षी सिन्हाचे (Sonakshi Sinha) चित्रपटांच्या बाबतीत खूप चांगले करिअर राहिले आहे. तिने सलमान खान, अक्षय कुमार आणि अजय देवगण सारख्या मोठ्या अभिनेत्यांसोबत काम केले आहे. तिचे बहुतेक चित्रपट यशस्वी झाले आहेत. सोनाक्षी तिच्या लग्नाबाबत खूप चर्चेत राहिली आहे. तिच्या वाढदिवसानिमित्त तिच्या आयुष्यातील काही खास गोष्टी जाणून घेऊया.
बॉलिवूडची दबंग गर्ल म्हणून ओळखली जाणारी अभिनेत्री सोनाक्षी सिन्हा आज तिचा वाढदिवस साजरा करत आहे. सोनाक्षी सिन्हाचा जन्म २ जून १८८७ रोजी बिहारची राजधानी पाटणा येथे झाला. ती ज्येष्ठ अभिनेते शश्रुघ्न सिन्हा आणि अभिनेत्री पूनम सिन्हा यांची मुलगी आहे. तिचे वडील अभिनेते तसेच राजकारणी आहेत. सोनाक्षीने फॅशन डिझायनिंगचे शिक्षण घेतले. सुरुवातीला सोनाक्षी कॉस्च्युम डिझायनर म्हणून काम करत होती. तिने २००५ मध्ये आलेल्या ‘मेरा दिल लेके देखो’ चित्रपटासाठी कॉस्च्युम डिझाइन केले. त्यानंतर ती चित्रपटांकडे वळली.
कॉस्च्युम डिझायनिंगमध्ये काम केल्यानंतर सोनाक्षी सिन्हा बॉलिवूडकडे वळली. सोनाक्षी सिन्हाने सलमान खानच्या ‘दबंग’ (२०१०) या चित्रपटातून बॉलिवूडमध्ये आपल्या कारकिर्दीची सुरुवात केली. तिचा पहिला चित्रपट यशस्वी झाला. तिला सर्वोत्कृष्ट महिला पदार्पणासाठी फिल्मफेअर पुरस्कार देण्यात आला. इतकेच नाही तर तिच्या चित्रपटानेही भरपूर कमाई केली. चित्रपटाचे बजेट ४१ कोटी रुपये होते. चित्रपटाने बॉक्स ऑफिसवर २२१.१४ कोटींची कमाई केली.
सोनाक्षी सिन्हाचा दुसरा चित्रपट ‘राउडी राठोड’ होता. या चित्रपटात तिने अक्षय कुमारसोबत काम केले होते. ६० कोटी रुपये खर्चून बनवलेल्या या चित्रपटाने २०३.३९ कोटी रुपये कमावले. त्यानंतर सोनाक्षी सिन्हा अक्षय कुमारसोबत ‘जोकर’मध्ये दिसली. सोनाक्षीने २०१२ मध्ये आलेल्या ‘सन ऑफ सरदार’ चित्रपटात अजय देवगणसोबत काम केले. हा चित्रपटही खूप यशस्वी झाला. २०१२ मध्ये सोनाक्षी पुन्हा एकदा सलमान खानसोबत ‘दबंग २’मध्ये दिसली.
चित्रपटांमध्ये उत्तम काम करण्यासोबतच, सोनाक्षी सिन्हाने मालिकांमध्येही चांगले काम केले आहे. दहर (२०२३) आणि हीरामंडी (२०२४) या मालिकांमध्ये तिच्या अभिनयाचे कौतुक झाले.अभिनयाव्यतिरिक्त, सोनाक्षी सिन्हाने गायनातही हात आजमावला आहे. तिने तिच्या तेवर (२०१५) या चित्रपटात एक गाणे गायले होते. तिचे पहिले गाणे ‘आज मुड इश्कहोलिक है’ २०१५ मध्ये प्रदर्शित झाले.
सोनाक्षी सिन्हाने २३ जून २०२४ रोजी तिचा बॉयफ्रेंड झहीर इक्बालशी लग्न केले. एका बातमीनुसार, झहीर आणि सोनाक्षीने एकमेकांना सात वर्षे डेट केले. त्यानंतर त्यांनी लग्न करण्याचा निर्णय घेतला. असे म्हटले जाते की दोघेही सलमान खानच्या एका पार्टीत भेटले. त्यानंतर दोघेही मित्र झाले. काही दिवसांनी मैत्रीचे प्रेमात रूपांतर झाले. झहीर आणि सोनाक्षी २०२३ मध्ये सलमानची बहीण अर्पिता आणि आयुषच्या ईद पार्टीत जोडपे म्हणून सामील झाले. त्यानंतर दोघांमधील अफेअरची अफवा खरी ठरली. दोघांनीही २०२४ मध्ये लग्न केले.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
स्मृती इराणी आणि मौनी रॉय पुन्हा एकदा पडद्यावर एकत्र दिसणार, शोच्या दुसऱ्या सीझनचे शूटिंग सुरू!
‘असं झालं असतं तर शाहरुख खान कसा असता..’, राजपाल यादवचं घराणेशाहीवर मोठं विधान
