सोनाक्षी सिन्हा (Sonakshi Sinha) आणि झहीर इक्बाल हे दोघे त्यांच्या लग्नाच्या घोषणेपासून चर्चेत आहेत. याआधी या जोडप्याला आंतरधर्मीय विवाहासाठी खूप ट्रोल करण्यात आले होते.ट्रोलला बाजूला ठेवून, सोनाक्षी आणि झहीरने 23 जून रोजी वांद्रे येथील दिवाणी न्यायालयात त्यांचे कुटुंबीय आणि जवळच्या मित्रांच्या उपस्थितीत लग्न केले. यानंतर एका ग्रँड वेडिंग रिसेप्शनमध्ये अनेक सेलिब्रिटींनी हजेरी लावली होती.काल सोनाक्षी आणि झहीर मुंबईतील एका रुग्णालयात गेले होते, त्यानंतर अभिनेत्री गरोदर असल्याच्या अफवा पसरू लागल्या होत्या. आता खुद्द सोनाक्षी सिन्हानेच या अफवांवर मौन सोडले असून, तिने आपल्या वक्तव्याने नेटिझन्सना धडा शिकवला आहे.
सोनाक्षीला तिच्या झहीरसोबतच्या आंतरधर्मीय विवाहाबाबत अनेक ट्रोलचा सामना करावा लागत आहे.त्यांच्या लग्नाच्या काही दिवसांनंतर, या जोडप्याला त्यांच्या पहिल्या मुलाची अपेक्षा असल्याबद्दल इंटरनेटवर अफवा पसरल्या. सोनाक्षी तिचा आगामी हॉरर कॉमेडी चित्रपट ‘काकुडा’च्या प्रदर्शनासाठी सज्ज आहे. तिच्या चित्रपटाच्या प्रमोशनदरम्यान एका मुलाखतीत सोनाक्षीने झहीर इक्बालसोबतच्या लग्नानंतरच्या आयुष्याविषयी सांगितले.
सोनाक्षी सिन्हाला झहीर इक्बालसोबतच्या लग्नानंतरच्या आयुष्याबद्दल विचारण्यात आलं होतं. ज्यावर तिने झूमवर उत्तर दिले, “या नात्याचे सौंदर्य हे आहे की मला पूर्वीसारखीच वाटते. मला आनंद आहे की माझे आयुष्य लग्नाआधी अगदी सेट झाले होते आणि मी परत आले आहे. कामावर परत आल्याने मला आनंद झाला.”
सोनाक्षी सिन्हाने तिच्या गरोदरपणाच्या अफवांबद्दलही बोलले जे इंटरनेटवर आले. ती म्हणाली, “बदल एवढाच आहे की आता आम्ही हॉस्पिटलमध्ये जाऊ शकत नाही, कारण लोकांना वाटते की प्रेग्नेंट आहे. एवढाच फरक आहे.”
कामाच्या आघाडीवर, सोनाक्षी चित्रपट आणि ओटीटी क्षेत्रातील तिच्या उत्कृष्ट कामगिरीसाठी ओळखली जाते. ती याआधी संजय लीला भन्साळी यांच्या ‘हिरामंडी: द डायमंड बाजार’ या वेबसिरीजमध्ये दिसली होती. येत्या काही दिवसांत ती आदित्य सरपोतदार दिग्दर्शित ‘काकुडा’ या हॉरर-कॉमेडी चित्रपटात दिसणार आहे. या चित्रपटात रितेश देशमुख आणि साकिब सलीम यांच्याही प्रमुख भूमिका आहेत. हा चित्रपट 12 जुलै रोजी OTT प्लॅटफॉर्म Zee5 वर येणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘पुष्पा 2’ दिग्दर्शक सुकुमारने निश्चित केली डेडलाइन, अल्लू अर्जुनचे शूटिंग इतक्या दिवसांत संपणार
नाग अश्विनने ‘कल्की 2898 एडी’ मध्ये भगवान कृष्णाचा चेहरा का दाखवला नाही? झाला मोठा खुलासा
