काही महिन्यांपूर्वी अभिनेत्री जॅकलीन फर्नांडिसला (jacqueline fernandez) इडीने समन्स दिल्याची बातमी समोर आली होती. या बातमीने सिने जगतात चांगलीच खळबळ माजली होती. याबद्दल आता आणखी एक बातमी समोर येत असून २७ जूनला जॅकलिन फर्नांडिस अंमलबजावणी संचालनालयाच्या (ईडी) कार्यालयाबाहेर दिसली. एएनआय या वृत्तसंस्थेने दिलेल्या माहितीनुसार, सुकेश चंद्रशेखरच्या २०० कोटी रुपयांच्या खंडणीच्या प्रकरणात तिचे म्हणणे नोंदवण्यासाठी अभिनेत्री ईडीसमोर हजर झाली होती. याआधीही 36 वर्षीय अभिनेत्रीची मनी लाँड्रिंग प्रकरणात एजन्सीने दोन-तीन वेळा चौकशी केली आहे. त्याचवेळी चंद्रशेखरसोबतची कथित मैत्री समोर आल्यानंतर जबाब नोंदवला जात आहे.
ठग सुकेश चंद्रशेखरवर 200 कोटी रुपयांची फसवणुक केल्याचा आरोप आहे. या प्रकरणाच्या तपासात सुकेशने जॅकलिनला महागड्या भेटवस्तू दिल्याचे समोर आले आहे. त्यानंतर ईडीने त्याच्यावर कारवाई करत त्याची ७ कोटी रुपयांची संपत्तीही जप्त केली आहे. सुकेश चंद्रशेखरची सहकारी पिंकी इराणी हिने सुकेशला जॅकलीनला भेटायला लावल्याचेही आरोपपत्रात उघड झाले आहे. आणि सुकेश चंद्रशेखरने पिंकी इराणीच्या मदतीने जॅकलिनला महागड्या भेटवस्तू आणि रोख रक्कम दिली होती.
ईडीच्या चार्टशीटमध्ये असेही उघड केले की सुकेश चंद्रशेखरने डिसेंबर 2020 ते जानेवारी 2021 या कालावधीत जॅकलिन फर्नांडिसशी संपर्क साधण्याचा प्रयत्न केला, परंतु अभिनेत्रीने त्यांच्या कॉलला प्रतिसाद दिला नाही. अभिनेत्रीने आरोप केला आहे की सरकारी कार्यालयातील कोणीतरी तिच्याशी संपर्क साधला आणि तिला सुकेश चंद्रशेखर यांच्याशी संपर्क साधण्यास सांगितले, ज्याला ती शेखर रत्न वेला म्हणून ओळखत होती.
अभिनेत्रीने पुढे खुलासा केला की जेव्हा तिने सुकेशशी संपर्क साधला तेव्हा त्याने स्वतःला त्याच्या कुटुंबासह सन टीव्हीचा मालक म्हणून ओळख करुन दिली. आपण जयललिता यांच्या राजकीय कुटुंबातील असून त्या चेन्नई येथील असल्याचेही त्यांने सांगितले. जॅकलिन म्हणाली, सुकेश म्हणाला होता की तो माझा खूप मोठा चाहता आहे, आणि मी दाक्षिणात्य चित्रपट करावेत आणि सन टीव्हीच्या रूपाने त्याच्याकडे अनेक प्रोजेक्ट्स आहेत. तेव्हापासून दोघेही संपर्कात आले होते.
ईडीने तिला सुकेश चंद्रशेखरकडून कोणतीही भेटवस्तू मिळाल्याबद्दल विचारले असता, जॅकलिन फर्नांडिसने एजन्सीला सांगितले की तिला परफ्यूम मिळाला आहे. तसेच दर आठवड्याला अल्कधर्मी पाण्याच्या बाटल्या मिळत होत्या. प्रत्येक दिवशी फुले, वेगवेगळ्या ठिकाणांहून चॉकलेट, गुच्ची, चॅनेलमधील तीन डिझायनर बॅग, दोन गुच्ची जिम वेअर, लुई व्हिटॉन शूज, दोन डायमंड कानातले, दोन बहु-रंगी स्टोन ब्रेसलेट आणि एक हर्मीस ब्रेसलेट सापडले. याशिवाय प्रत्येकी नऊ लाखांच्या तीन मांजरी आणि अरबी घोडाही देण्यात आला, ज्याची किंमत ५२ लाख रुपये आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
