अभिनेता सुनील शेट्टी त्याचा 61 वा वाढदिवस साजरा करत आहे. त्याने आपल्या अभिनय कारकिर्दीत एकापेक्षा एक चित्रपट केले आहेत. एक्शनपासून प्रेमकथा आणि कॉमेडी चित्रपटांपर्यंत सुनील शेट्टीने आपली क्षमता सिद्ध केली आहे. सुनील शेट्टीने आपल्या तीस वर्षांच्या कारकिर्दीत शंभरहून अधिक चित्रपटांमध्ये काम केले आहे. विशेष म्हणजे अभिनय क्षेत्रात करिअर करण्याचे स्वप्नही त्याने पाहिले नव्हते. पण, जेव्हा त्याने चित्रपटांमध्ये काम केले तेव्हा त्याची जादू इथे कामी आली आणि आज त्याचा परिणाम सर्वांसमोर आहे. अभिनयासोबतच सुनील शेट्टी हा बिझनेसमनही आहे. जाणून घेऊया त्यांच्याबद्दल…
सुनील शेट्टीचा (suniel shetty) जन्म 11 ऑगस्ट 1961 रोजी मुल्की, मंगलोर, कर्नाटक येथे झाला. सुनील शेट्टीने 1992 मध्ये ‘बलवान’ या चित्रपटातून आपल्या फिल्मी करिअरला सुरुवात केली होती. विशेष म्हणजे या चित्रपटात सुनील शेट्टीसोबत काम करण्यास कोणतीही अभिनेत्री तयार नव्हती, कारण तो नवा अभिनेता होता. मात्र, नंतर दिव्यांग अभिनेत्री दिव्या भारतीने तिला संमती दर्शवली आणि या चित्रपटात ती सुनील शेट्टीसोबत जोडी करताना दिसली. या चित्रपटानंतर तो एक्शन हिरो म्हणून समोर आला.
साल 1994 मध्ये आलेल्या ‘मोहरा’ या चित्रपटाने त्याच्या करिअरला नवी उंची दिली आणि 2001 मध्ये आलेल्या ‘धडकन’ने सुनीलला लोकप्रिय केले. याशिवाय या अभिनेत्याने ‘दिलवाले’, ‘चीटी’, ‘गोपी किशन’, ‘कृष्णा’, ‘रक्षक’, ‘बॉर्डर’, ‘भाई’, ‘हेरा फेरी’ यांसारख्या शंभरहून अधिक चित्रपटांमध्ये काम केले आहे. बॉलीवूडमध्ये सर्वजण सुनील शेट्टीला अण्णा या नावाने हाक मारतात.
अभिनेता सुनील शेट्टीच्या वैयक्तिक आयुष्याबद्दल बोलायचे तर त्याच्या पत्नीचे नाव माना शेट्टी असून त्यांना एक मुलगी अथिया शेट्टी आणि मुलगा अहान शेट्टी आहे. सुनील शेट्टी आणि माना शेट्टीची लव्हस्टोरीही खूप रंजक आहे. सुनील शेट्टीने मानाला पेस्ट्रीच्या दुकानात पाहिले होते, जिथे तो अनेकदा त्याच्या मित्रांना भेटायला जायचा. मानाशी मैत्री करण्यासाठी अण्णा तिच्या बहिणीशी मैत्री करतात.
सुनील शेट्टी आणि मानाला आपापल्या कुटुंबियांना एकमेकांशी लग्न करायला राजी करायला जवळपास नऊ वर्षे लागली. 25 डिसेंबर 1991 रोजी दोघांचे लग्न झाले. रिपोर्ट्सनुसार, सुनील शेट्टीला महागड्या आणि आलिशान वाहनांचा खूप शौक आहे. सुनील शेट्टीकडे करोडोंची संपत्ती आहे. तो विलासी जीवन जगतो. 2021 च्या अहवालानुसार, अभिनेत्याचे वार्षिक उत्पन्न सुमारे 100 कोटी रुपये आहे.
हेही वाचा –
– ठरलं रे! ‘या’ चित्रपटात दिसणार सीमा-सचिनची लव्हस्टोरी; एकदा वाचाच
–हवा में उडता जाये… कियारा अडवाणीच्या मनमोहक अदांवर चाहते फिदा!
