‘तारक मेहता का उल्टा चष्मा’ फेम निधी भानुशाली (Nidhi Bhanushali) ही सोशल मीडिया क्वीन आहे. जिने सुपरहिट शोमध्ये सोनू भिडेची भूमिका साकारली होती. काही वर्षांपूर्वी या मालिकेला निरोप दिल्यानंतरही निधीचे सोशल मीडिया फॉलोव्हर्स खूपच मजबूत असल्याचे दिसते. अशातच निधीने वेबवर सर्फिंग करताना असे काही फोटो शेअर केले आहेत, जे पाहून तुमच्याही अंगावर शहारे येतील.
निधीचे फोटो व्हायरल
निधीने तिच्या अधिकृत इंस्टाग्राम अकाऊंटवर सर्फिंग करतानाचे तीन सुंदर फोटो शेअर केले आहेत. पहिल्या फोटोमध्ये ती हसताना दिसत आहे, दुसऱ्या फोटोमध्ये ती पोहताना दिसत आहे. तर तिसर्‍या फोटोमध्ये ती अतिशय निराळ्या पद्धतीने केस उडवताना दिसत आहे. तिची ही स्टाईल प्रत्येक चाहत्याला तिचे कौतुक करायला भाग पाडत आहेत. (taarak mehta ka ooltah chashmahs old sonu aka nidhi bhanushali turns mermaid see photos)
सतत करत असते प्रवास
निधी भानुशालीबद्दल सांगायचे झाले, तर ती एक सक्रिय सोशल मीडिया युजर आणि बॅकपॅकर पर्यटक आहे. निधी अनेकदा तिच्या प्रवासातील आश्चर्यकारक फोटो तिच्या फॉलोव्हर्ससोबत शेअर करत असते. तिचे एक युट्यूब चॅनेल देखील आहे जिथे ती तिच्या फॉलोव्हर्सना देशभरातील मनमोहक दृष्यांचे दर्शन घडवत असते.
२००८ पासून सुपरहिट आहे शो
शोचा विचार केला तर, ‘तारक मेहता का उल्टा चष्मा’ २००८मध्ये प्रीमियर झालेल्या भागांच्या संख्येनुसार टेलिव्हिजनवर सर्वाधिक काळ चालणाऱ्या दैनिक सिटकॉमचा गिनीज वर्ल्ड रेकॉर्ड आहे. यात दिलीप जोशी, दिशा वकानी आणि अमित भट्ट यांच्यासह सुनयना फौजदार आणि शैलेश लोढा यांच्या प्रमुख भूमिका आहेत.
लवकरच ऍनिमेटेड शो येणार प्रेक्षकांच्या भेटीला
भारतीय टेलिव्हिजनच्या सर्वाधिक काळ चालणाऱ्या सिटकॉमवर आधारित एक ऍनिमेटेड सिरीझ नेटफ्लिक्सवर प्रवाहित होणार आहे. या शोने एक दशकाहून अधिक काळ प्रेक्षकांचे मनोरंजन केले आहे. त्याचे निर्माते असित कुमार मोदी यांना आता खात्री आहे, की हा शो कुटुंबातील सर्वांना विशेषतः मुलांसह सर्वांना हसवेल.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही पाहा
