हिंदी टीव्ही शोमध्ये सर्वांना खळखळून हसवणारा शो म्हणजे ‘द कपिल शर्मा शो’ होय. या शोचे नुकतेच नवे पर्व सुरू झाले आहे. इथे अनेक कलाकार त्यांची गाणी, मालिका, चित्रपट यांचे प्रमोशन करण्यासाठी येत असतात. स्वतःच्या शोचे प्रमोशन तर करतातच त्याचबरोबर त्यांच्यावर होणाऱ्या विनोदाने सर्वांना खूप हसवतातही. अशात नुकतेच या शोमध्ये नेहा कक्कर तिचा भाऊ टोनी कक्करबरोबर ‘द कपिल शर्मा शो’मध्ये पोहोचली होती.
हे दोघेही नुकतेच त्यांच्या नवीन गाण्याच्या प्रमोशनसाठी येथे आले होते. इथे आल्यानंतर शोमधील सर्व विनोदी कलाकारांनी आपल्या विनोदाने त्यांना खूप हसवले. तसेच त्यांची खिल्ली देखील उडवली. अशात कृष्णा अभिषेकने त्याच्या विनोदाला सुरुवात करत नेहावर विनोदाचे पंच मारले. सर्व काही नेहमी प्रमाणेच होते. परंतु नेहा नंतर मध्येच रडायला लागली. (The Kapil Sharma Show: Krushna Abhishek mocks Neha Kakkar, video goes viral)
Jab hasi ke manch par @iAmNehaKakkar , @TonyKakkar aur Indian idols honge ek saath, toh hasi ke saath saath gaanon ke sang jhoomegi raat! Dekhiye #TheKapilSharmaShow, iss Shani-Ravi raat 9:30 baje, sirf Sony par. pic.twitter.com/5aBvaxnKMv
— sonytv (@SonyTV) September 24, 2021
का रडत होती नेहा?
कृष्णा अभिषेक सपना बनून नेहाला चिडवत होता. तसेच त्याने ‘इंडियन आयडल १२’ मध्ये नेहाच्या सारख्या रडण्यावर विनोद केला. त्यामुळे मनाने हळव्या असलेल्या नेहाला पुन्हा रडू कोसळले. तिला हसवण्यासाठी कृष्णा अभिषेक तिच्या जवळ येतो आणि म्हणतो, “रडू नको मी काही स्पर्धक नाही.” त्याच्या या पंचवर सर्वजण पोट धरून हसू लागतात. नेहा देखील आपले रडू विसरत मोठ्याने हसू लागते.
‘इंडियन आयडल १२’ चा विजेता पवनदीप देखील ‘द कपिल शर्मा शो’मध्ये आला होता. इथे आलेल्या प्रत्येक व्यक्तीवर एक तरी विनोद केलाच जातो मग यामधून पवनदीप कसा काय सुटणार. कृष्णाने त्याच्यावर देखील विनोद केला. तो पवनदीपला म्हणाला की, “इंडियन आयडल’ सारख्या शोमध्ये ९ महिने झळकून ‘द कपिल शर्मा शो’मध्ये यायची काय गरज पडली.”
Mr. Damodar ji bhale hi khelte waqt phisal gaye the, par unke jokes kabhi nahin phisalte! Dekhiye #TheKapilSharmaShow, iss Shani-Ravi raat 9:30 baje, sirf Sony par. pic.twitter.com/EQonpgitA1
— sonytv (@SonyTV) September 24, 2021
‘द कपिल शर्मा शो’च्या नव्या पर्वामध्ये सुरुवातीला अक्षय कुमार आणि अजय देवगण आले होते. कपिल शर्मा नुकताच बाबा झाला आहे. त्याची पत्नी गिन्नी चतरथने मुलाला जन्म दिला आहे. या शोमुळे अनेक प्रेक्षक खूप हसतात आणि खुश राहतात. कृष्णा अभिषेक आणि बाकीच्या विनोदी कलाकारांसह यामध्ये किकू शारदा आणि अर्चना पूरण सिंग यांची देखील या शोमध्ये मुख्य भूमिका आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘आम्ही दोघांनी अजूनही लग्न नाही केले’, म्हणत सलमान खानने केला आयुष्यातील खऱ्या प्रेमाचा खुलासा
-TMKOC: एकेकाळी कर्जात पूर्णपणे बुडाला होता ‘सोढी’; मग कर्जदारांपासून वाचण्यासाठी केलं ‘हे’ काम
-लग्नानंतर प्रथमच बिकिनीमध्ये दिसली दिशा परमार; मालदीवमध्ये पती राहुलसह करतेय सुट्ट्या एन्जॉय
