कपिल शर्मा शो बंद झाल्यानंतर लगेच शो पुन्हा कधी सुरू होईल याच्या चर्चा रंगायला लागल्या होत्या. प्रेक्षक अगदी चातक पक्ष्यासारखी या शोची आतुरतेने वाट बघत होते. नुकतेच या शोचे नवीन प्रोमो टीव्हीवर दिसत आहे, त्यामुळे लवकरच हा शो प्रेक्षकांच्या भेटीला येईल. प्राप्त माहितीनुसार हा शो येत्या २१ ऑगस्ट पासून सुरु होण्याची दाट शक्यता आहे. मात्र शोच्या सुरुवातीची खरी आणि अधिकृत तारीख अद्याप समजली नाहीये. (Akshay Kumar Will Be The First Guest of The Kapil Sharma Show)
सध्या सोनी चॅनेलवर इंडियन आयडल हा सिंगिंग शो सुरु आहे. या शोचा शेवटचा भाग १५ ऑगस्ट रोजी संपन्न होणार असल्याने, त्यानंतर इंडियन आयडलचा टाइम स्लॉट कपिल शर्मा शोला मिळेल असे सांगितले जात आहे.
आता शो सुरु होणार हे तर पक्के आहे, मात्र या शोमध्ये पहिला कोणता कलाकार येणार याबद्दल देखील चर्चा रंगत आहे. एका माहितीनुसार या शोमध्ये नवीन पर्वाच्या पहिल्या भागात अक्षय कुमार हजेरी लावणार असल्याचे सांगितले जात आहे. अक्षय यापूर्वी देखील अनेकदा यामध्ये आला असून, आता तो त्याच्या आगामी ‘बेल बॉटम’ सिनेमाचे प्रमोशन करण्यासाठी येणार असल्याचे सांगितले जात आहे.
कपिल शर्मा शोच्या या नवीन पर्वाच्या प्रोमोमध्ये पाहिले तर लक्षात येईल की, यात एक नवीन चेहरा दिसत आहे. कॉमेडी सर्कस गाजवणारे मोठे कॉमेडियन सुदेश लहिरी पहिल्यांदाच या शोचा भाग बनणार आहे. सोबतच कपिल शर्माच्या बायकोची भूमिका साकारणारी सुमोना प्रोमोमधून गायब दिसत आहे. या प्रोमोवरून शोमध्ये लाईव्ह प्रेक्षक देखील असणार असल्याची हिंट मिळत आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-लाजुन लाल झाला शाहिद कपूर, जेव्हा मीराने शेअर केले बेडरूम सिक्रेट; म्हणाली, ‘मला वाटतं तो कंट्रोल…’
