ड्वेन जॉन्सन (dwayne johnson) हा हॉलिवूडचा दमदार अभिनेता म्हणून प्रसिद्ध आहे. रॉक अशी खास ओळख असलेल्या ड्वेनचे जगभरात असंख्य चाहते आहेत. आपल्या दमदार अभिनयाने त्याने जगभरात लोकप्रियता मिळवली आहे. सोमवार २ एप्रिल रॉक त्याचा ५० वा वाढदिवस साजरा करत आहे. रॉकने आपल्या अभिनय कारकिर्दित अनेक गाजलेल्या चित्रपटांमध्ये काम केले आहे. ज्यामध्ये फास्ट फ्युरिअस, रेड नोटिस, ब्लॅक एडम, सारख्या अनेक गाजलेल्या चित्रपटांचा समावेश आहे. ड्वेनने रेसलिंगच्या जगतातून या अभिनय जगतात पाऊल ठेवले होते. मात्र ड्वेनला मुळात फूटबॉल प्लेअर होण्याची इच्छा होती. पाहूया त्याच्या या खास प्रवासाबद्दल.
ड्वेन जॉन्सनचा जन्म 2 मे 1972 रोजी कॅलिफोर्नियामध्ये झाला. त्याचे वडील रॉकी जॉन्सन एक कुस्तीपटू होते आणि त्याची आई एटा देखील कुस्तीच्या पार्श्वभूमीची होती परंतु ड्वेनचा लहानपणापासूनच फुटबॉलकडे कल होता. ड्वेनचे आयुष्य चांगले चालले होते. दरम्यान, वडिलांच्या अवैध संबंधाने घरातील आनंद हिरावून घेतला. वडील आणि आई यांच्यात भांडणे सुरू झाली. इतकंच नाही तर ड्वेनचे वडील रॉकी यांच्यावर 19 वर्षांच्या मुलीने लैंगिक शोषणाचा आरोपही लावला होता, त्यानंतर ड्वेनच्या पालकांचा घटस्फोट झाला होता.
ड्वेनचे पालक कुस्तीच्या जगतातील होते. आणि तो लहानपणापासूनच एक चांगला फुटबॉल खेळाडू होता. त्याला नेहमीच एक चांगला फुटबॉलपटू व्हायचे होते, ज्यासाठी त्याने कठोर परिश्रम घेतले. त्याच्या चमकदार खेळामुळे, त्याला मियामी विद्यापीठाची शिष्यवृत्ती देखील मिळाली, तेथून त्याने क्रिमिनोलॉजी आणि फिजियोलॉजी या विषयात सामान्य अध्ययनात पदवी प्राप्त केली. ग्रॅज्युएशननंतर त्याची इंडियन फुटबॉल लीगमध्ये कॅटेगरी स्टॅम्पर्सद्वारे निवड झाली. पण यादरम्यान त्याला दुखापत झाली होती, त्यामुळे त्याला दोन महिने खेळातून बाहेर राहावे लागले होते. या घटनेमुळे तो डिप्रेशनचा बळी ठरला आणि मग त्याचा फुटबॉलही हुकला.
फुटबॉल सोडल्यानंतर ड्वेन जॉन्सनने कुस्तीच्या जगात प्रवेश करण्याचा निर्णय घेतला. त्याच्या वडिलांप्रमाणेच त्याची शरीरयष्टी चांगली होती आणि म्हणूनच त्याने कुस्तीची तयारी सुरू केली. त्याने 1996 मध्ये बार्ट सॉयरसोबत दोनदा USWA वर्ल्ड टॅग टीम चॅम्पियनशिप जिंकली आणि त्यानंतरच त्याने WWF मध्ये प्रवेश केला. यानंतरच त्याने आपले स्टेजचे नाव रॉकी मैविया ठेवले. तथापि, एका सामन्यादरम्यान त्याने त्याचे नाव रॉक असल्याचे उघड केले, त्यानंतर तो द रॉक म्हणून ओळखला जाऊ लागला. त्याने 10 वेळा वर्ल्ड चॅम्पियनशिप जिंकली.
कुस्तीच्या जगात आपली छाप सोडल्यानंतर ड्वेन जॉन्सनने अभिनय क्षेत्रात पाऊल ठेवले. ‘द रेसलिंग शो’मध्ये तो पहिल्यांदा वडिलांच्या भूमिकेत दिसला होता. 2001 मध्ये प्रदर्शित झालेला ‘द मिमी रिटर्न्स’ हा त्यांचा पहिला चित्रपट होता. रॉकने आत्तापर्यंत 40 हून अधिक चित्रपटांमध्ये काम केले असून त्यातील बहुतांश चित्रपट हिट ठरले आहेत. त्यांना आतापर्यंत 20 पुरस्कारांनी सन्मानित करण्यात आले आहे. इतकेच नाही तर 2016 आणि 2019 मध्ये टाईम्सने जगातील 100 प्रभावशाली व्यक्तींमध्ये ड्वेनचे नाव घेतले होते.
ड्वेन जॉन्सनचे दोनदा लग्न झाले आहे. त्याचे पहिले लग्न डॅनी गार्सिया या त्याच्या कॉलेज प्रेयसीशी झाले होते. दोघांनी 1997 मध्ये त्यांच्या नवीन आयुष्याला सुरुवात केली. लग्नानंतर दोघेही सिमोन अलेक्झांड्रा या मुलीचे पालक झाले. मात्र, 2010 मध्ये दोघांचा घटस्फोट झाला. यानंतर अभिनेत्याने 2019 मध्ये गायिका लॉरेन हशियनसोबत लग्न केले. त्यांना जास्मिन लिया आणि टियाना जिया या दोन मुली आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- हेही वाचा-
- बहुप्रतिक्षेत अशा भूल भूलैया २ सिनेमातील टायटल ट्रक प्रदर्शित, कार्तिक आर्यनच्या डान्सने वेधले लक्ष
- अतिशय कमी वयात ‘या’ सुपरस्टार कलाकारांच्या मुलांनी घेतला जगाचा निरोप
- जेव्हा कांद्या पोह्याच्या कार्यक्रमाला मीरा कपूरने शाहिदला समजले होते मुलाचा भाऊ, वाचा संपूर्ण किस्सा
