साउथ इंडस्ट्रीतील लाेकप्रिय अभिनेत्री समंथा रुथ प्रभू तिच्या प्रकृतीमुळे सतत चर्चेत असते. चाहते तिच्या हेल्थ अपडेटची वाट पाहत असतात. समंथा सध्या मायोसिटिस नावाच्या आजाराने त्रस्त आहे. अभिनेत्रीने ऑक्टोबर 2022 मध्ये तिच्या आजाराची माहिती दिली होती. यानंतर तिच्या प्रकृतीशी संबंधित अनेक गाेष्टी समाेर आल्यात. नुकतीच बातमी आली होती की, समंथा तिच्या आजारपणामुळे काही काळ अभिनयातून ब्रेक घेणार आहे. त्याचबरोबर समांथाने ब्रेक घेण्यासाठी अनेक बॉलिवूड चित्रपट सोडले आहेत. मात्र, आता या वृत्तांमध्ये तथ्य नसल्याचे बोलले जात आहे.
अभिनेत्री समंथा (samantha ruth prabhu) हिने अभिनयातून ब्रेक घेतल्याच्या अनेक बातम्या समाेर येत हाेत्या. अशातच आता तिच्या प्रवक्त्याने यावर प्रतिक्रिया दिली आहे. समांथाने आजारपणामुळे बॉलिवूड चित्रपट ‘सिटाडेल’मधून बाहेर पडल्याची बातमी येत होती. आता सामंथाच्या प्रवक्त्याने या वृत्तांना पूर्णविराम दिला आहे. त्यांनी या बातम्यांना अफवा असल्याचे म्हटले आहे. तसेच समंथाच्या प्रकृतीची माहिती दिली आहे.
प्रसारमाध्यमांशी संवाद साधताना सामंथाच्या प्रवक्त्याने सांगितले की, “समंथा सध्या विश्रांती घेत आहे. जानेवारीमध्ये संक्रांतीनंतर ती ‘कुशी’ चित्रपटाच्या शूटिंगला सुरुवात करणार आहे. त्यानंतर ती बॉलीवूड चित्रपटांमध्ये काम करत राहील. मात्र, काही कारणांमुळे चित्रपटांचे शूटिंग जवळपास सहा महिने लांबणीवर पडू शकते. अशा परिस्थितीत आता ती एप्रिल किंवा मेपासूनच तिच्या हिंदी चित्रपटांचे शूटिंग सुरू करणार आहे.”
समंथाच्या प्रवक्त्याने आपला मुद्दा पुढे करत सांगितले की, “अभिनेत्री तिच्या ‘कुशी’ चित्रपटाचे शूटिंग पूर्ण करणार आहे. ती अधिकृतपणे आणि स्वतःच्या इच्छेने कोणत्याही प्रकल्पातून बाहेर पडलेले नाही. त्याच्या आगामी चित्रपटांमधून बाहेर पडण्याच्या आतापर्यंतच्या बातम्यांमध्ये तथ्य नाही. ‘सिटाडेल’ या चित्रपटातही ती दिसणार आहे.”
समंथा हिच्या अभिनय काराकिर्दी विषयी बाेलायचे झाले, तर तिने ‘यशाेदा’, ‘अ आ’, ‘जाणू’ यासारखी दमदार चित्रपट सिनेसृष्टीला दिली. (tollywood actress samantha ruth prabhu health update actress will continue film kushi and citadel shooting with varun dhawan)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
अंगावर काटा आणणारी बातमी! प्रसिद्ध कॉमेडियनच्या पत्नीचा मृतदेह सापडला घरात, पती संशयाच्या भोवऱ्यात
‘तेजी बच्चन यांचा श्वास कोंडला…’, अमिताभ बच्चन यांना आठवले आईचे शेवटचे क्षण
