‘कसौटी जिंदगी की’ या मालिकेतील कोमोलिकाच्या भूमिकेने लोकप्रियता मिळवलेली उर्वशी ढोलकिया अनेकदा चर्चेत असते. ही अभिनेत्री सोशल मीडियावर खूप सक्रिय असते आणि चाहत्यांसह फोटो आणि व्हिडिओ शेअर करत असते. अलीकडेच, उर्वशीचा मोठा मुलगा क्षितिजने त्याच्या आईचा फोटो सोशल मीडियावर शेअर केला आहे, ज्यामध्ये ती हॉस्पिटलमध्ये भरती आहे.
क्षितिज ढोलकियाने त्याच्या सोशल मीडिया हँडलवर त्याची आई उर्वशीचा हॉस्पिटलच्या खोलीतील फोटो शेअर केला आहे. त्याने सांगितले की उर्वशी ढोलकियाच्या मानेमध्ये ट्यूमर आढळल्यानंतर तिच्यावर मुंबईतील नानावटी मॅक्स सुपर स्पेशालिटी हॉस्पिटलमध्ये शस्त्रक्रिया करण्यात आली. क्षितिजने त्याच्या इंस्टाग्राम स्टोरीवर एक व्हिडिओ देखील शेअर केला आहे, ज्यामध्ये उर्वशीने स्वतः सांगितले आहे की तिला काय झाले आहे?
उर्वशी ढोलकिया म्हणाली, ‘मला डिसेंबर 2023 च्या सुरुवातीला कळले की माझ्या मानेमध्ये गाठ आहे, त्यानंतर माझ्यावर शस्त्रक्रिया करावी लागली. माझी शस्त्रक्रिया यशस्वी झाली असून आता डॉक्टरांनी मला १५ ते २० दिवस विश्रांती घेण्याचा सल्ला दिला आहे. रुग्णालयातून आईचा फोटो इंस्टाग्राम स्टोरीवर शेअर करताना तिचा मुलगा क्षितिजने कॅप्शनमध्ये लिहिले की, ‘लवकर बरे हो’.
उर्वशीच्या वर्क फ्रंटबद्दल बोलायचे झाले तर ती अलीकडेच ‘झलक दिखला जा’ या डान्स शोमध्ये स्पर्धक म्हणून दिसली होती. या शोमध्ये तिची जोडी कोरिओग्राफर वैभव घुगेसोबत होती. उर्वशीने ‘देख भाई देख’, ‘घर एक मंदिर’, ‘कभी सौतन कभी सहेली’, ‘मेहंदी तेरे नाम की’ आणि ‘कहीं तो होगा’ अशा अनेक शोमध्ये काम केले आहे. अभिनेत्री अलीकडेच एकता कपूरच्या ‘नागिन 6’ मध्ये दिसली होती, ज्यामध्ये तिने उर्वशी कटारियाची भूमिका केली होती. 2013 मध्ये ती लोकप्रिय रिअॅलिटी शो ‘बिग बॉस 6’ ची विजेतीही ठरली होती.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
तुम्हाला माहितीये का? दोन महिन्यांपूर्वीच मलायका आणि अर्जुनचा झाला होता ब्रेकअप, मग असे पुन्हा जुळले नाते
गावच्या मातीत जन्मलेल्या ‘या’ कलाकारांनी बॉलिवूडच्या ग्लॅमरस दुनियेत मिळवली हक्काची जागा, वाचा संपूर्ण यादी
