बॉलिवूडचे लोकप्रिय स्टारकपल विकी कौशल आणि कैटरीना कैफ (Katrina Kaif ) यांनी 9 डिसेंबर 2025 रोजी त्यांचा चौथा लग्नाचा वाढदिवस शांत वातावरणात साजरा केला. गेल्या काही वर्षांपासून हे दोघे सतत चर्चेत आहेत आणि यावर्षी त्यांच्या सेलिब्रेशनची चाहत्यांना खास उत्सुकता होती. यामागचे कारण म्हणजे—पालक झाल्यानंतरचा हा त्यांचा पहिलाच लग्नाचा वाढदिवस.
विकी कौशलने सकाळीच कतरिनासोबतचा एक गोड सेल्फी इंस्टाग्रामवर शेअर करत चाहत्यांना सरप्राइज दिले. या फोटोमध्ये कतरिना तिच्या पतीच्या मिठीत दिसत आहे, तर तिच्या चेहऱ्यावर नवीन आई म्हणून येणारा थकवा हलकासा जाणवतो. फोटोसोबत विकीने कॅप्शन लिहिले, “आज साजरा करत आहे… खूप आनंदी, कृतज्ञ आणि झोपेपासून वंचित. लग्नाच्या चौथ्या वर्षांच्या शुभेच्छा.” या ओळींनी चाहत्यांची मने जिंकली.
विकीच्या पोस्टवर लगेचच सेलिब्रिटी आणि चाहत्यांच्या कमेंट्सचा वर्षाव झाला. नेहा धुपिया, झोया अख्तर आणि अनेक बॉलिवूड कलाकारांनी लाल हृदयाच्या इमोजींसह दोघांना शुभेच्छा दिल्या. चाहत्यांनीही त्यांच्या फोटोचे भरभरून कौतुक केले. काहींनी लिहिले, आई-बाबांचा चमक दिसत आहे, तर काहींनी कतरिनाचा थकवा पाहून तिला प्रेमाने “सुपर मॉम” असे संबोधले.
विकी–कतरिनाने 9 डिसेंबर 2021 रोजी राजस्थानमधील सिक्स सेन्सेस फोर्ट बरवाडा येथे अतिशय खाजगी आणि राजेशाही पद्धतीने विवाह केला होता. तीन वर्षांच्या लग्नानंतर त्यांनी त्यांच्या गरोदरपणाची घोषणा केली आणि 7 नोव्हेंबर 2025 रोजी त्यांच्या पहिल्या मुलाचे जन्माचे आनंदवार्ता चाहत्यांसोबत शेअर केली.लग्नाचा वाढदिवस भव्य पार्टीने न साजरा करता, बाळासोबत शांतपणे वेळ घालवण्याचा निर्णय घेणाऱ्या या स्टार कपलकडून चाहत्यांना पुढील पोस्टची पुन्हा प्रतीक्षा आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
