छावामध्ये विकी कौशल (Vicky Kaushal) छत्रपती संभाजी महाराजांच्या भूमिकेत दिसणार आहे. तर महावतारमध्ये विकी चिरंजीवी परशुरामच्या भूमिकेत दिसणार असून अश्वत्थामा या चित्रपटात विकी कौशल अश्वत्थामाच्या भूमिकेत दिसणार आहे. तिन्ही चित्रपटांची अधिकृत घोषणा करण्यात आली आहे. विकीची व्यक्तिरेखा प्रत्येक चित्रपटात वैशिष्ट्यपूर्ण असेल.
मॅडॉक फिल्म्सचा बहुप्रतिक्षित छावा आता 14 फेब्रुवारी 2025 रोजी थिएटरमध्ये दाखल होणार आहे. विकी कौशलची छत्रपती संभाजी महाराजांची भूमिका असलेला ऐतिहासिक चित्रपट लक्ष्मण उतेकर यांनी दिग्दर्शित केला आहे. यापूर्वी हा चित्रपट 19 फेब्रुवारी 2025 रोजी प्रदर्शित होणार होता. विकीने याआधी लक्ष्मण उतेकरसोबत ‘जरा हटके जरा बचके’ या चित्रपटात काम केले आहे, ज्यामध्ये अभिनेत्री सारा अली खान देखील मुख्य भूमिकेत होती. दिनेश विजन यांच्या मॅडॉक फिल्म्सने याची निर्मिती केली आहे. मीडिया रिपोर्ट्सनुसार, ‘पुष्पा 2’च्या रिलीजच्या पार्श्वभूमीवर ‘छावा’च्या निर्मात्यांनी चित्रपटाच्या रिलीज डेटमध्ये बदल केला आहे. प्रेक्षक या चित्रपटाच्या प्रदर्शनाची आतुरतेने वाट पाहत आहेत.
दिग्दर्शक अमर कौशिक यांच्या महावतार या चित्रपटात विकी कौशल भगवान चिरंजीवी परशुरामच्या भूमिकेत दिसणार आहे. चित्रपटाचे पहिले पोस्टर रिलीज करण्यात आले आहे, ज्यामध्ये विकीच्या लूकचे खूप कौतुक करण्यात आले. महावतार हा चित्रपट योद्धा चिरंजीवी परशुराम यांच्या कथेवर आधारित असणार आहे. या चित्रपटात विकीला भगवान परशुरामची भूमिका पाहण्यासाठी चाहते उत्सुक आहेत. अमर कौशिक या चित्रपटाचे दिग्दर्शन करणार आहेत. चित्रपटाच्या पोस्टर आणि टीझरसोबतच दिग्दर्शक-निर्मात्यांनी ‘महावतार’ चित्रपटाच्या प्रदर्शनाची तारीखही जाहीर केली आहे. हा चित्रपट 2026 मध्ये ख्रिसमसच्या मुहूर्तावर थिएटरमध्ये प्रदर्शित होणार आहे. विकीने त्याच्या सोशल मीडिया हँडल इन्स्टाग्रामवर महावतारबद्दल एक पोस्ट देखील जारी केली होती आणि लिहिले होते की, “दिनेश विजन धर्माच्या चिरंतन योद्ध्याची कहाणी जिवंत करतील.” चिरंजीवी परशुरामची भूमिका.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
छान किती दिसते फुलपाखरू ! प्राजक्ता माळीचा रंगीबेरंगी लूक व्हायरल
जंजीर आणि दिवारच्या यशात मागे राहिलेल्या मजबूरची दास्तान; चित्रपटाने केली पन्नाशी पूर्ण…
