दक्षिण चित्रपटसृष्टीतील प्रसिद्ध अभिनेता विजय देवरकोंडा (vijay Devarkonda) यांच्या प्रकृतीबाबत मोठी बातमी समोर आली आहे. सध्या त्यांच्या आगामी मेगा बजेट चित्रपट ‘किंगडम’मुळे चर्चेत असलेल्या विजय यांना डेंग्यू ताप आल्याचे म्हटले जात आहे. हाती आलेल्या माहितीनीसार अभिनेता सध्या रुग्णालयात दाखल आहे. विजयचे चाहते त्यांच्या चित्रपटाच्या प्रदर्शनाची आतुरतेने वाट पाहत असताना, आता अभिनेत्याच्या प्रकृतीबाबत चिंता वाढली आहे.
गेल्या काही दिवसांपासून त्यांना ताप आणि अशक्तपणाची तक्रार होती, त्यानंतर डॉक्टरांच्या सल्ल्यानुसार त्यांना रुग्णालयात दाखल करण्यात आले होते. गेल्या काही दिवसांपासून ‘किंगडम’च्या प्रमोशनल कार्यक्रमांना विजय देवरकोंडा यांची अनुपस्थिती चाहत्यांना आश्चर्यचकित करत होती. आता असे उघड झाले आहे की प्रकृती अस्वास्थ्यामुळे अभिनेता सार्वजनिक कार्यक्रमांना उपस्थित राहू शकत नाही. त्यांची प्रकृती लक्षात घेऊन डॉक्टरांनी त्यांना पूर्ण विश्रांती घेण्याचा सल्ला दिला आहे.
मीडिया रिपोर्ट्सनुसार, विजय सध्या डेंग्यूने ग्रस्त आहे आणि डॉक्टरांच्या देखरेखीखाली आहे. जर त्याची प्रकृती सुधारत राहिली तर त्याला २० जुलैपर्यंत रुग्णालयातून डिस्चार्ज मिळू शकतो. तथापि, विजय देवेराकोंडा किंवा त्याच्या टीमने अद्याप कोणतेही अधिकृत विधान जारी केलेले नाही, तसेच तो कोणत्या रुग्णालयात दाखल आहे याची माहिती सार्वजनिक केलेली नाही.
१०० कोटी रुपयांच्या प्रचंड बजेटमध्ये बनलेला ‘किंगडम’ हा चित्रपट ३१ जुलै रोजी थिएटरमध्ये प्रदर्शित होणार आहे. परंतु अभिनेत्याची तब्येत पाहता, तो त्याच्या प्रमोशनमध्ये भाग घेऊ शकेल की नाही हे स्पष्ट नाही. चित्रपटाचे निर्माता-दिग्दर्शक देखील सध्या परिस्थितीवर लक्ष ठेवून आहेत. हा चित्रपट विजयच्या कारकिर्दीतील सर्वात महत्त्वाकांक्षी चित्रपटांपैकी एक मानला जातो.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
‘सैयारा’च्या रिलीजपूर्वी अनन्याने शेअर केले भाऊ अहानसोबतचे बालपणीचे खास फोटो, सिनेमाला दिल्या शुभेच्छा
अनेक वर्षांनी पत्नी किरणसोबत दिसले अनुपम खेर; आदित्य आणि इतर कलाकारांनी लावली ‘तन्वी द ग्रेटच्या स्क्रीनिंगला हजेरी
