दाक्षिणात्य अभिनेता विजय सेतुपति आपल्या दमदार अभिनयासाठी प्रसिद्ध आहे. त्याच्या अनेक चित्रपटांनी थेट राष्ट्रीय पुरस्कारापर्यंत मजल मारली आहे. त्याने २०१० मध्ये आलेल्या ‘थेनमेरकु परुवाकात्रु’ या चित्रपटातून आपल्या तमिळ सिनेसृष्टीतील कारकिर्दिला सुरुवात केली होती. यानंतर त्याने एकापाठोपाठ एक दर्जेदार चित्रपटांत आपल्या अभिनयाने प्रेक्षकांना भूरळ घातली आहे. ज्यामध्ये ‘पिज्जा’, ‘नादुवाला कोंजाम’ ‘पक्काथा कानोम’ आणि ‘सुधु कव्वम’ या चित्रपटांचा समावेश आहे. विजयच्या या शानदार अभिनयासाठी त्याला तमिळनाडू राज्य फिल्म पुरस्कार तसेच चार राष्ट्रीय पुरस्कारांनी सन्मानित केले गेले आहे. आज या सुपरस्टार अभिनेत्याचा ४४ वा वाढदिवस. या निमित्त आपण जाणून घेणार आहोत त्याच्या गाजलेल्या चित्रपटांबद्दल…
Super Deluxe – त्यागराजन कुमारराजा यांनी दिग्दर्शित केलेला हा चित्रपट २०१९ मध्ये प्रदर्शित झाला होता. या चित्रपटाची कथा चार व्यक्तिंच्या भोवताली फिरते आणि त्यांच्या आयुष्यात एकाच दिवसात घडणाऱ्या घटनांवर आधारित आहे. यामध्ये विजय सेतुपतिने शिल्पा नावाच्या एका तृतीयपंथी महिलेची भूमिका साकारली आहे. जिला लिंग बदलाच्या ऑपरेशननंतर अनेक अडचणींचा सामना करावा लागला होता.
Pizza – विजयचा आणखी एक प्रसिद्ध चित्रपट म्हणजे ‘पिझ्झा’. या चित्रपटात त्याच्यासोबत अभिनेत्री रेम्या लांबिसनने ही प्रमुख भूमिका साकारली आहे. यामध्ये सेतुपति एका पिज्जा डिलीवरी बॉयची भूमिका केली आहे, जो आपल्या प्रेयसीसोबत राहत असतो. एक दिवस जेव्हा त्याला आपला मालक काही हिरे लपवत असल्याच दिसत तेव्हा तो ते हिरे चोरण्याची योजना बनवतो आणि बंगल्याच्या चौफेर एक भयावह परिस्थिती निर्माण करतो, जिथे त्याने ते हिरे हरवल्याच दाखवल आहे.
Soodhu Kavvum – या चित्रपटात विजय सेतुपतिसह बॉबी सिन्हा, अशोक सेलवन, रमेश थिलक, संचिता शेट्टी आणि करुणाधरण मुख्य भूमिकेत आहेत. यामध्ये सेतुपतिने एका अपहरण करणाऱ्या टोळीच्या म्होरक्याची भूमिका निभावली आहे. हा एक कॉमेडी चित्रपट आहे.
Naanum Rowdy- २०१५ मध्ये हा चित्रपट प्रदर्शित झाला होता. विग्नेश शिवन यांनी दिग्दर्शित केलेल्या या चित्रपटात विजय सेतुपति, नयनतारा, आणि आरजे बालाजी यांच्या प्रमुख भूमिका आहेत.या चित्रपटात सेतुपतिने पांंडीची भूमिका निभावली आहे. जो एक पोलिस अधिकाऱ्याचा मुलगा असतो परंतु सगळ्या अवैध्य उद्योगांत तो आघाडीवर असतो. अभिनेत्री नयनताराच्या तो प्रेमात पडतो, जी एका मुक्या मुलीची भूमिका साकारत आहे.
