चित्रपट चांगला असो किंवा नसो, त्या चित्रपटातील कलाकारांचा आधीचा अभिनय लक्षात ठेवून, लोक त्यांना मोठ्या प्रमाणावर ट्रोलिंग करताना दिसतात. त्या चित्रपटातील कलाकारदेखील ट्रोल करणाऱ्यांना सडेतोड उत्तर देताना नेहमी दिसतात.
बॉलिवूड अभिनेता अभिषेक बच्चनचा बहुप्रतिक्षित चित्रपट ‘द बिग बुल’ हा चित्रपट गुरुवारी (८ एप्रिल) प्रदर्शित झाला आहे. डिस्ने हॉटस्टारवर रिलीझ झालेला हा चित्रपट, हर्षद मेहता यांनी केलेल्या १९९२च्या स्टॉक मार्केट घोटाळ्यावर आधारित आहे. अभिषेकची ही भूमिका सोशल मीडियावर बरेच लोक पसंत करत आहेत. परंतु असेही काही लोक आहेत, ज्यांनी त्याच्या अभिनयाच्या कौशल्यांवर प्रश्न उपस्थित केले आहेत. अभिषेक बच्चन याच्या अभिनयाला एका यूजरने ट्वीट करत ‘थर्ड क्लास’ म्हटले. यानंतर अभिषेकने चोख प्रत्युत्तर दिले आहे.
As usual @juniorbachchan doesn't disappoint you with his 3rd rate so called acting in a poorly scripted & badly filmed #TheBigBull @pratikg80 & #Scam1992 are far superior by miles.@ajaydevgn @DisneyplusHSVIP
— डॉ. सुशांत त्रिविक्रम जोशी ???????? (@sushanthjoshi) April 8, 2021
अभिषेक बच्चन सोशल मीडियावर सक्रिय असून, ट्रोल करणाऱ्या युजरच्या कमेंटवर प्रतिक्रिया व्यक्त करताना दिसत आहे. अलीकडेच एका युजरने लिहिले की, ‘नेहमीप्रमाणेचं अभिषेक बच्चनचा थर्ड क्लास अभिनय, खराब स्क्रिप्ट आणि निरुपयोगी चित्रपटामुळे तुम्ही निराश नाही केले. १९९२ घोटाळा यापेक्षा खूप चांगला होता.’
Hey man, as long as I’ve not disappointed you, I’m happy. Thank you for taking the time out to see our film. ????????
— Bob Biswas (@juniorbachchan) April 8, 2021
यूजरच्या या कमेंटला अभिषेक बच्चनने गांधीगिरी स्टाईलमध्ये प्रत्युत्तर दिले. तो म्हणाला, ‘हे माणसा, मी तुम्हाला निराश केले नाही, म्हणून मी आनंदी आहे. आपला वेळ काढून चित्रपट पाहिल्याबद्दल धन्यवाद.
‘द बिग बुल’मध्ये अभिषेक बच्चनसोबत निकिता दत्ता आणि इलियाना डिक्रूझ मुख्य भूमिकेत दिसले आहेत. १९९२ मध्ये भारतीय शेअर बाजाराच्या सर्वात मोठ्या घोटाळ्याचा आरोपी हर्षद मेहतावर आधारित ‘द बिग बुल’ची कथा आहे.
हर्षदने बरेच आर्थिक गुन्हे केले होते, त्यामुळे त्याला अटकही झाली. या चित्रपटाची निर्मिती अजय देवगण आणि आनंद पंडित यांनी केली आहे. काही दिवसांपूर्वी चित्रपटाचा ट्रेलर रिलीझ झाला होता, ज्याला खूप चांगला प्रतिसाद मिळाला.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘मी परफेक्ट नाहीये’, लूकबद्दल प्रश्न उपस्थित केल्यानंतर अनुष्काने दिले होते प्रत्युत्तर