भारतीय क्रिकेट टीमचा कर्णधार विराट शर्मा आणि अभिनेत्री अनुष्का शर्मा यांना आज दुपारी कन्यारत्न प्राप्त झाले आहे. आज दुपारी अनुष्का शर्माने मुंबईच्या ब्रीच कँडी हॉस्पिटलमध्ये या मुलीला जन्म दिला आहे. विराट कोहलीने याच गोड बातमीची घोषणा सोशल मीडियाच्या माध्यमातून केली.
विराटने लिहले आहे की, ” आम्हाला दोघांना सांगताना अत्याधिक आनंद होत आहे की, आज दुपारी आमच्या घरी एका गोंडस मुलीचा जन्म झाला आहे. तुमचे प्रेम आणि आशीर्वाद यासाठी आम्ही खरंच खूप आभारी आहोत. अनुष्का आणि आमची मुलगी, दोघीही ठणठणीत आहेत. हे आमचे सौभाग्य आहे की आम्हाला आमच्या आयुष्यात ही अनमोल गोष्ट अनुभवता आली. तुम्ही सर्व आमच्या प्रायव्हसीचा नक्कीच आदर राखाल याबाबत खात्री आहे.”
— Virat Kohli (@imVkohli) January 11, 2021
विराटाचे हे ट्विट आल्यावर फॅन्सकडून त्याच्यावर आणि अनुष्का शर्मा यांच्यावर शुभेच्छांचा वर्षाव सुरु झाला आहे. त्यांच्या या आनंदाच्या बातमीमुळे क्रिकेट आणि फिल्म जगतातून त्यांना अनेक शुभेच्छा मिळत आहे. विराटने ऑस्ट्रेलिया कसोटीतून पालकत्वाची राजा घेऊन नुकतेच मुंबई गाठले होते.
विराट आणि अनुष्काने २०१७ साली इटलीमध्ये अगदी खाजगी समारोहात लग्न केले होते. त्यानंतर त्यांनी ऑगस्ट २०२० मध्ये ते लवकरच आईबाबा होणार असल्याचे जाहीर केले. अनुष्काच्या गोड बातमीनंतर फॅन्स आणि मीडिया सतत त्यांच्यावर नजर ठेऊन असायचे. अनुष्काने तिच्या प्रेगनन्सी दरम्यान खूपच ऍक्टिव्ह होती. तिने या काळातही स्वतः फिट आणि निरोगी ठेवण्यासाठी योगासनांचा आधार घेतला होता. अनुष्काचा या काळातला शीर्षासन करतानाच एक फोटो खूपच वायरल झाला होता.
अनुष्काच्या वर्कफ्रंट बद्दल सांगायचे तर अनुष्का शेवटची आनंद राय यांच्या ‘झिरो’ या सिनेमात शाहरुख आणि कतरिनासोबत दिसली होती. त्यानंतर तिने कोणत्याच सिनेमाची घोषणा केली नाहीये.
