बॉलिवूडमध्ये अनेक अभिनेते होऊन गेले, ज्यांनी आपल्या वाट्याला आलेल्या प्रत्येक भूमिकांमध्ये जिंवतपणा आणला. मग ते पात्र, नायकाचे असो किंवा खलनायकाचे. असेच एक अभिनेते आहेत, ज्यांनी ७० आणि ८०च्या दशकातील मुलींच्या चेहऱ्यांचा रंगच उडवला होता. कारण, त्यांची प्रतिमा इतकी खराब होती की, एकदा महिला डॉक्टरने त्यांच्यावर उपचार करण्यास नकार दिला होता. मात्र, त्यांचे असे म्हणणे आहे की, त्यांची प्रतिमा जरी सिनेमात वाईट भूमिका साकारणाऱ्या व्यक्तीची बनली असली, तरी ते सहअभिनेत्रीला कधीही कोणता त्रास होणार नाही, या गोष्टीची काळजी घ्यायचे.
अभिनेते रंजीत (Actor Ranjit) यांनी एका मुलाखतीत सांगितले होते की, ७०च्या दशकात बॉलिवूडमध्ये त्यांची प्रतिमा ‘रेपिस्ट’ची बनली होती. तसेच, त्यांनी आपली कारकीर्द संपण्यामागील कारणही सांगितले.
स्क्रिप्टही ऐकत नसायचे
रंजीत यांनी माध्यमांना दिलेल्या एका मुलाखतीत सांगितले होते की, “त्या काळात सिनेमाच्या कथेकडे फारसे लक्ष देऊन सिनेमे साईन केले जात नव्हते.” त्यांनी सांगितले होते, “सिनेमे साइन करण्यापूर्वी कोणीही कथा ऐकत नव्हते. अगदी लीड हिरोला १ लाईन सांगितली जायची. माझ्यासारख्या अभिनेत्यांना असे वाटायचे की, जर एखादा निर्माता माझ्याकडे येत असेल, तर याचा अर्थ मी या भूमिकेसाठी योग्य आहे.”
खलनायकाच्या भूमिकेत सुरुवातीला व्हायचा त्रास
आपल्या खलनायकी भूमिकेविषयी सांगताना ते म्हणतात, “मी कधीही कोणाच्या स्क्रिप्टमध्ये हस्तक्षेप केला नाही आणि त्याची गरजही नाही. मला खलनायकाची भूमिका करण्यातही अडचण आली नाही. अर्थात समाजात उलटसुलट प्रतिक्रिया उमटल्या. सुरुवातीला माझ्या कुटुंबाला समस्या होत्या, नंतर त्यांना समजले की, हे माझे काम आहे.”
रे’पच्या सीनसाठी मोठी मागणी
रंजीत यांनी पुढे सांगितले की, “त्यांनी अनेक रे’पिस्ट व्यक्तीची भूमिका साकारली असली, तरी त्यांचे सहअभिनेत्री नेहमीच कंफर्टेबल होते. ते त्यांच्या दिग्दर्शकाला मला विनयभंगाच्या दृश्यांमध्ये कास्ट करण्यास सांगायच्या. ते मला रे’प स्पेशालिस्ट म्हणू लागल्या होत्या. त्या काळात ते अश्लील मानले जात नव्हते. आमचा सेट फॉरमॅट नायक, नायिका, कॉमेडियन, खलनायक, बहीण, आई असा होता. आतासारखे नाही, तेव्हा लव्ह मेकिंग सीन्स नव्हते.”
“मग फक्त ब्लू फिल्म का बनवत नाही? फॅशनच्या बदलामुळे माझे करिअर मारले गेले, असा विनोद मी नेहमी करतो. स्त्रिया इतके लहान कपडे घालू लागल्या की, ओढायला काहीच उरले नाही,” असेही त्यांनी पुढे सांगितले.
रंजीत यांचे सिनेमे
रंजीत यांनी ३५०हून अधिक सिनेमात काम केले आहे. त्यामध्ये ‘नमक हलाल’, ‘कारनामा’, ‘धर्मात्मा’, ‘शर्मिली’, ‘गझब’, ‘गिरफ्तार’, ‘लावारिस’ यांसारख्या सिनेमांचा समावेश आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
