‘थ्री इडियट्स’ हा चित्रपट भारतीय चित्रपटांच्या इतिहासातील सर्वात लोकप्रिय चित्रपटांपैकी एक आहे. राजकुमार हिरानी (Rajkumar Hirani) यांच्या दिग्दर्शनाखाली बनलेल्या या चित्रपटाने यशोगाथा लिहिली होती. या चित्रपटाला प्रेक्षक आणि समीक्षकांकडून सकारात्मक प्रतिसाद मिळाला. 2009 मध्ये प्रदर्शित झालेला हा चित्रपट आजही प्रेक्षकांना मोठ्या आवडीने पाहायला आवडतो. आता हा चित्रपट पुन्हा एकदा चर्चेत आला आहे. आता या चित्रपटातील एक दृश्य द अकॅडमीने आपल्या अधिकृत इंस्टाग्राम अकाउंटवर शेअर केले आहे.
‘थ्री इडियट्स’ हा राजकुमार हिरानी दिग्दर्शित ब्लॉकबस्टर चित्रपट होता. आता त्याला अकादमीकडूनही मान्यता मिळाली आहे. गुरुवारी, अकादमीच्या अधिकृत इंस्टाग्राम पेजवर आमिर खान, शर्मन जोशी आणि आर माधवन अभिनीत चित्रपटाशी संबंधित एक क्लिप शेअर केली. या दृश्यात चित्रपटातील तीन मुख्य पात्र अर्धा तास उशिराने परीक्षा हॉलमध्ये येतात आणि उशिरापर्यंत परीक्षा लिहित राहतात, त्यानंतर पर्यवेक्षक पेपर घेण्यास नकार देतात, परंतु येथे आमिरचे पात्र त्याच्या मित्रांचे पेपर इतर शेकडो उत्तरपत्रिकांमध्ये मिसळून पळून जाते. ही क्लिप शेअर करताना द ॲकॅडमीने कॅप्शनमध्ये लिहिले की, “रँचोने आपल्या बुद्धिमत्तेचा येथे 100 टक्के वापर केला आहे.”
अकादमीकडून या चित्रपटाला मिळालेल्या कौतुकाने चाहते खूप खूश आहेत. या पोस्टवर चाहत्यांनीही भरभरून प्रतिक्रिया दिल्या आहेत. एका चाहत्याने लिहिले की, “खर सांगायचे तर हा चित्रपट हॉलीवूड चित्रपटांपेक्षा ऑस्करला अधिक पात्र आहे.” आणखी एका चाहत्याने लिहिले, “फक्त ही एक क्लिप नाही, तर हा संपूर्ण चित्रपट अप्रतिम आहे.” याशिवाय आणखी एका चाहत्याने लिहिले की, “या चित्रपटाने आम्हा सर्वांना अभ्यासाकडे पाहण्याचा एक वेगळा दृष्टीकोन दिला आहे.” याशिवाय अनेक चाहत्यांनी चित्रपटाची अकादमीने केलेली प्रशंसा ही अतिशय आश्चर्यकारक कामगिरी असल्याचेही म्हटले आहे.
2009 मध्ये रिलीज झालेला हा चित्रपट चेतन भगतच्या ‘फाइव्ह पॉइंट समवन’ या कादंबरीवर आधारित आहे. हा चित्रपट अभियांत्रिकीचे शिक्षण घेणाऱ्या तीन महाविद्यालयीन विद्यार्थ्यांच्या मैत्रीवर आधारित आहे. शिक्षण व्यवस्था आणि त्यामुळे निर्माण होणारे सामाजिक दबाव याभोवती चित्रपट फिरतो. या चित्रपटात आमिर खान, शर्मन जोशी, आर. माधवन, करीना कपूर, मोना सिंग आणि बोमन इराणी मुख्य भूमिकेत दिसले होते. विनोद चोप्रा फिल्म्सच्या बॅनरखाली प्रसिद्ध चित्रपट निर्माते विधू विनोद चोप्रा यांनी या चित्रपटाची निर्मिती केली होती. या चित्रपटाने बॉक्स ऑफिसवर चांगला व्यवसाय केला.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
अनंत आणि राधिका अडकले लग्न बंधनात; लग्नातील पहिला फोटो आला समोर
‘बिग बॉस मराठी’ची तारीख जाहीर! ‘या’ दिवशी नव्या सीझनमध्ये रितेशचा कल्ला सुरू होणार
