मेगास्टार चिरंजीवी हे ब्रिटिश सरकारकडून ‘लाइफटाइम अचिव्हमेंट अवॉर्ड’ मिळवणारे पहिले भारतीय सेलिब्रिटी बनले आहेत. चित्रपट आणि समाजातील त्यांच्या उत्कृष्ट योगदानाबद्दल १९ मार्च २०२५ रोजी लंडनमधील यूके संसदेत अभिनेत्याला हा पुरस्कार देऊन सन्मानित करण्यात आले. हा विशेष सन्मान अभिनेत्याचा आतापर्यंतचा प्रवास आणि प्रभाव प्रतिबिंबित करतो. चिरंजीवीला यूके संसदेत मिळालेला हा पुरस्कार भारतीय चित्रपटसृष्टीसाठी अभिमानाचा क्षण आहे.
ब्राइड इंडिया नावाच्या एका आघाडीच्या संस्थेने चिरंजीवी यांना पहिल्यांदाच ‘लाइफटाइम अचिव्हमेंट अवॉर्ड’ देऊन सन्मानित केले आहे. चित्रपट, सार्वजनिक सेवा आणि परोपकारातील योगदानाबद्दल अभिनेत्याला हा पुरस्कार देण्यात आला. यूके या सत्कार समारंभात लेबर पार्टीचे खासदार नवेंदु मिश्रा, खासदार सोजन जोसेफ, बॉब ब्लॅकमन हे सहभागी झाले होते. हा सन्मान मिळाल्यानंतर चिरंजीवीचे चाहते सोशल मीडियावर पुरस्कार सोहळ्याचे फोटो आणि व्हिडिओ शेअर करत आहेत.
२०२४ मध्ये, चिरंजीवी यांना भारताचा दुसरा सर्वोच्च नागरी पुरस्कार ‘पद्मविभूषण’ देण्यात आला. त्याच वर्षी, ५३७ गाणी आणि १५६ चित्रपटांमध्ये २४,००० डान्स स्टेप्ससह सर्वात यशस्वी अभिनेता डान्सर म्हणून अभिनेत्याचे नाव गिनीज वर्ल्ड रेकॉर्डमध्ये नोंदवले गेले. २०२४ मध्ये एएनआर शताब्दी वर्षात अक्किनेनी इंटरनॅशनल फाउंडेशनकडून त्यांना एएनआर राष्ट्रीय पुरस्काराने सन्मानित केले जाईल.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
स्वरसम्राज्ञी ते गळ्याचा आजार; ९० च्या प्रसिद्ध गायिका अलका याग्नीक आज झाल्या ५९ वर्षांच्या …
