टेलिव्हिजनवर कलाकार जी भूमिका निभावतात, तीच भूमिका आयुष्यभरासाठी त्यांच्या नावी होऊन जाते. मग ती नायकाची भूमिका असो किंवा खलनायकाची. प्रत्येक भूमिका प्रेक्षकांच्या मनात घर करून जाते. पण एका नायकाच्या भूमिकेतून थेट खलनायकाच्या भूमिकेत कलाकारांना स्वीकारण्यास प्रेक्षक काचकूच करतात. पण काही कलाकार असे असतात, जे प्रत्येक भूमिका खूप चांगल्या पद्धतीने निभावतात. याला साजेसे असे उदाहरण म्हणजे अभिनेत्री ईशा केसकर. झी मराठीवरील ‘जय मल्हार’ या मालिकेत बानूचे पात्र निभावून तिने प्रेक्षकांच्या मनात तिची एक वेगळीच ओळख निर्माण केली होती. पण त्यानंतर तिने काही दिवस ‘माझ्या नवऱ्याची बायको’ या मालिकेत शनाया हे पात्र निभावले होते. पण या ग्लॅमरस भूमिकेत देखील प्रेक्षकांनी तिला खूप लवकर स्वीकारले होते. ईशा तिच्या खऱ्या आयुष्यात देखील ग्लॅमरस आहे. अशातच तिने तिचा एक ग्लॅमरस फोटो शेअर केला आहे.
ईशा केसकरने तिच्या अधिकृत इंस्टाग्राम अकाऊंटवरून एक फोटो शेअर केला आहे. या फोटोमध्ये ती अत्यंत ग्लॅमरस दिसत आहे. या फोटोमध्ये तुम्ही पाहू शकता की, तिने पिवळ्या रंगाची साडी परिधान केली आहे. तसेच तिने यावर काळ्या रंगाचा ब्लाउज परिधान केले आहे. तसेच कानात इअरिंग आणि कपाळी टिकली लावली आहे. तिने हातात जास्वंदीचे फुल घेतले आहे. या फोटोमध्ये ती खूपच आकर्षक दिसत आहे. हा फोटो शेअर करून “मला कॅप्शन द्या” असे कॅप्शन लिहिले आहे. तिच्या या फोटोवर तिचे अनेक चाहते कमेंट करत आहेत. तिच्या एका चाहत्याने या फोटोवर “ऐसे ना मुझे तुम देखो” अशी कमेंट केली आहे.
ईशा सध्या तिच्या अफेअरमुळे खूप चर्चेत आहे. ऋषी सक्सेना आणि ईशा मागील अनेक दिवसांपासून रिलेशनमध्ये आहेत. त्यांचे अनेक फोटो सोशल मीडियावर व्हायरल होत असतात. ऋषीने या आधी ‘काहे दिया परदेस’ या मालिकेत मुख्य भूमिकेत काम केले आहे. या मालिकेत त्याच्यासोबत मुख्य भूमिकेत सायली संजीव होती. या मालिकेतील त्यांची जोडी खूप प्रसिद्ध झाली होती. (marathi actress isha keskar share her glamrous photo on social media )
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-कंगना रणौतने शेअर केले बोल्ड लूकमधले फोटो; युजर्स म्हणाले, ‘तू दुसऱ्यांच्या पोस्टवर…’
