बॉलिवूडचा मिस्टर परफेक्शनिस्ट आमिर खान गेल्या काही काळापासून मोठ्या पडद्यापासून दूर आहे. आमिर ज्या परफेक्शनने प्रत्येक सिनेमामध्ये काम करतो त्यामुळे तो नेहमीच चर्चेत असतो. अलीकडेच त्याचा एक व्हिडिओ सोशल मीडियावर व्हायरल होत आहे ज्यामध्ये तो मुलांसमवेत क्रिकेट सामने खेळताना दिसत आहे. मात्र, यावेळी आमिर खाननेही चूक केली आहे, यामुळे लोक त्याला ट्रोल करत आहेत. चला पाहुयात नेमका आमिर कशामुळे ट्रोल होतोय.
सोशल मीडियावर व्हायरल होणाऱ्या या व्हिडिओमध्ये आमिर फलंदाजी करीत आहे आणि आमिरच्या चौकार आणि षटकारांसह तिथे उभे असलेली मुलं खूप उत्साही आणि आनंदी दिसत आहेत. इतकंच नाही तर व्हिडिओ रेकॉर्ड करणारे फोटोग्राफरही आमिरला अशी फटकेबाजी करताना पाहून खूपच प्रभावित झालेले पाहायला मिळत आहेत.
कोव्हीडच्या काळात आमिर खान मास्क न घालता मुलांसमवेत क्रिकेट खेळत असला, तरी त्याच्याबद्दल प्रश्न उपस्थित होत आहेत. अभिनेत्री किश्चर मर्चंटने मास्क न घालता आमिर खान आणि मुले एकत्र असल्याबद्दल निषेध व्यक्त केला आहे. शूटिंगनंतर आमिर तिथून जाऊ लागला तेव्हा काही चाहते त्याच्यासोबत सेल्फी घेण्यासाठी आमिरकडे आले. यानंतर आमिरने चाहत्यांना सांगितले की, सामना खेळणाऱ्या लोकांनी आधी या.
आमिर खानने मॅच खेळणार्‍या या सर्व मुलांबरोबर फोटो काढले होते. परंतु यावेळी कोणीही मास्क घातलेला नव्हता. इतकेच नाही तर व्हिडिओमध्ये एका व्यक्तीचा आवाज आला जो असे म्हणत होता की – फोटो घ्या पण एकेक करून. अशा परिस्थितीत आमिर आणि मुलांनी मास्कशिवाय फोटो क्लिक केले.
अभिनेत्री किश्चर मर्चंटने या व्हिडिओवर प्रतिक्रिया देताना म्हटलं आहे की, ‘त्यापैकी कुणीही मुखवटा घातलेला नाही, का? कशामुळे? यावर, काही लोकांनी तिचं समर्थन केले आणि म्हणाले, ‘बहुधा यापैकी कोणालाही मृत्यूची भीती नाही.’
मात्र, यावर अनेक चाहत्यांनी आमिरलाही पाठिंबा दर्शविला आहे. त्यांचं म्हणणं आहे की खेळादरम्यान माणूस थोडासा श्वास घेतो.’ सध्या सोशल मीडियावर आमिरच्या या व्हिडिओवर चर्चाच सुरू आहे जिथे काहीजण त्याचं समर्थन करतायत तर काहीजण त्याला विरोध करतायत.
आमिर खान लवकरच ‘लाल सिंह चड्ढा’ चित्रपटात मुख्य भूमिकेत झळकणार आहे. हा चित्रपट या वर्षाच्या शेवटी प्रदर्शित होण्याची शक्यता आहे.
वाचा थोडक्यात महत्त्वाचे
–तुझी आई अशीच म्हणतेय काय? पाहा रकुलप्रीतने कुणाचा घेतलाय खरपूस समाचार
–जरा चुकलंच हां! मिस्टर परफेक्शनिस्ट अमिर खानची एक चुक आणि सोशल मीडियावर कमेंट्सचा पाऊस
–काय सांगता इतकी मोठी चूक! देशातील या मोठ्या संस्थेकडून मौनी रॉयचे फोटो चुकून झाले ट्विट
–तब्बल सतरा वर्ष फरहान अख्तरने केला सुखाचा संसार, ते लफड झालं अन्
