दिग्दर्शक एसएस राजामौली यांनी ‘आरआरआर’ चित्रपटातून असे केले आहे, जे कदाचित कोणी करण्याचा विचारही करू शकत नाही. यात दोन पॉवरहाऊस टॅलेंटेड कलाकार एकत्र आले आहेत. ज्युनियर एनटीआर (Jr NTR) उर्फ तारक आणि राम चरण (Ram Charan) एसएस राजामौली यांच्या ‘आरआरआर’ चित्रपटाद्वारे प्रेक्षकांसमोर एक भव्य दृष्टी आणतात. भीम आणि राजू यांच्या मैत्रीचे कसे शत्रुत्वात रूपांतर होते आणि दोघे पुन्हा मित्र बनतात, हे चित्रपटात दाखवले आहे. तुम्हाला हे जाणून आश्चर्य वाटेल की, हे दोघेही खऱ्या आयुष्यात खूप वेगळ्या पार्श्वभूमीतून आले आहेत. चित्रपटापूर्वी त्यांच्या कुटुंबात तीन दशके जुने वैरही आहे.
ज्युनियर एनटीआरने सांगितले सत्य
अनुपमा चोप्रा यांच्याशी झालेल्या संभाषणात ज्युनियर एनटीआरने याबद्दल मोकळेपणाने सांगितले. तो म्हणाला की, “दोन्ही अभिनेते जे दोघेही वेगवेगळ्या पार्श्वभूमीतून आले आहेत. मला हे सांगावे की नाही हे माहित नाही, परंतु जवळपास ३०-३५ वर्षांपासून आमच्या कुटुंबात शत्रुत्व आहे आणि आज आम्ही दोघांनीही ते केले आहे.” तो म्हणाला की, “आम्ही शत्रू आहोत, पण मित्रही आहोत. त्यामुळे आमचे वैर खूपच सकारात्मक आहे.” (actor jr ntr talks about 35 years old real life rivalry with ram charan family)
ज्युनियर एनटीआर म्हणाला की, “आरआरआर हा चित्रपट एक मल्टीस्टारर चित्रपट आहे आणि तो चित्रपटसृष्टीत मल्टीस्टारर चित्रपटांना प्रोत्साहन देईल. आपल्याला देशाच्या कानाकोपऱ्यातून कलाकार आणावे लागतील, जेणेकरून आपण मोठा भारतीय चित्रपट उद्योग करू शकू आणि मला असे वाटते की भाषेची अडचण नसावी.”
‘आरआरआर’ चित्रपटाविषयी बोलायचे झाले, तर याने बॉक्स ऑफिसवर चांगलीच कमाई केली आहे. एसएस राजामौली यांचे विजन प्रेक्षकांना खूप आवडली आहे. या चित्रपटात मुख्य कलाकार खूप चांगले आहेत.
केवळ भारतातच नाही, तर परदेशात देखील या चित्रपटाने चांगला व्यवसाय केला आहे. पहिल्याच दिवशी त्याच्या कमाईत वाढ झाली आहे. या चित्रपटाने यूएसएमध्ये २६ कोटींहून अधिकचा व्यवसाय केला आहे. या चित्रपटाने भारतात (सर्व भाषांमध्ये) १५६ कोटींचा व्यवसाय केला आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा –
