दाक्षिणात्य कलाकार सुपरस्टार जोडी नागा चैतन्य आणि समंथा रुथ प्रभू यांच्या घटस्फोटाच्या निर्णयाने असंख्य चाहत्यांची मने तोडली होती. हे दोन्ही कलाकार आता वेगळे होऊन आपल्या आयुष्यात पुढे गेले आहेत. मात्र, घटस्फोटाच्या ८ महिन्यांनंतरही समंथाचं नाव एक्स पती नागा चैतन्याशी जोडले जात आहे. यामागील कारण आहे, शोभिता धुलिपाला. शोभिता आणि नागा चैतन्य एकमेकांना डेट करत असल्याच्या चर्चा आहेत. अशात समंथाची यावर प्रतिक्रिया आली आहे. तिने प्रतिक्रिया देत ‘हे खरं असलं पाहिजे’, असे म्हटले आहे.
माध्यमांतील वृत्तांनुसार, नागा चैतन्य (Naga Chaitany) सध्या मॉडेल आणि अभिनेत्री शोभिता धुलिपाल (Sobhita Dhulipala) सध्या एकमेकांना डेट करत आहेत. मजेशीर बाब अशी की, काही सोशल मीडिया युजर्सनी समंथावर काल्पनिक कथा रचण्याचा आरोप लावला जात आहे. तसेच, या समंथाच्या नागा चैतन्यला बदनाम करण्यासाठी रणनीती असल्याच्या सांगितले जात आहे. अशात यावर समंथाने तिची प्रतिक्रिया दिली आहे.
तिने सोशल मीडियावर आपली बाजू मांडली आहे. ती म्हणाली की, नागा चैतन्य आणि दोघेही आपल्या आयुष्यात पुढे गेले आहेत. तसेच, तिने चाहत्यांनाही पुढे जाण्याचा सल्ला दिला आहे. अभिनेत्री समंथा रुथ प्रभू (Samantha Ruth Prabhu) हिने ट्विटरवर पोस्ट लिहिली की, “मुलीची अफवा… खरी असावी. मुलांबद्दलच्या अफवा – मुलीने लावल्या. मित्रांनो मोठे व्हा… यात सामील असणारेही स्पष्टपणे पुढे गेले आहेत… तुम्हीही पुढे जा… तुमच्या कामावर लक्ष केंद्रित करा आणि कुटुंबासह पुढे जा.”
Rumours on girl – Must be true !!
Rumours on boy – Planted by girl !!
Grow up guys ..
Parties involved have clearly moved on .. you should move on too !! Concentrate on your work … on your families .. move on!! https://t.co/6dbj3S5TJ6— Samantha (@Samanthaprabhu2) June 21, 2022
समंथा आणि नागा चैतन्य हे दाक्षिणात्य सिनेसृष्टीतील लोकप्रिय जोडपे होते. दोघांना चाहत्यांकडून भरपूर प्रेम मिळालं. त्यांचे लग्न २०१७ मध्ये झाले होते. महत्त्वाचं म्हणजे, लग्नाच्या अवघ्या चारच वर्षांनंतर या दोघांनीही आपल्या वेगवेगळ्या वाटा निवडल्या. म्हणजेच घटस्फोट घेत आपले नाते संपवले.
समंथाची कारकीर्द
समंथाने तिच्या कारकीर्दीची सुरुवात २०१० साली आलेल्या ‘ये माया चेसावे’ या तेलुगू सिनेमाने केली होती. तिने आतापर्यंत ४५हून अधिक सिनेमांमध्ये काम केले आहे. तिच्या आगामी सिनेमांमध्ये ‘यशोदा’ आणि ‘शाकुंतल’ या सिनेमांचा समावेश आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
