अभिनेता रणबीर कपूर सध्या त्याच्या ‘शमशेरा‘ या आगामी सिनेमामुळे चांगलाच चर्चेत आहे. तो या सिनेमाचे प्रमोशन करताना दिसत आहे. अभिनेता नुकताच ‘डान्स दीवाने ज्युनिअर्स‘ या शोच्या सेटवर पोहोचला होता. यादरम्यानचा एक व्हिडिओ सोशल मीडियावर जोरदार व्हायरल होत आहे. या व्हिडिओत रणबीर कपूर आणि नीतू कपूर दिवंगत अभिनेते ऋषी कपूर यांच्या प्रसिद्ध गाण्यावर डान्स करताना दिसत आहे. ऋषी यांचे गाणे जसे वाजले, तसे नीतू कपूर या चकित झाल्या. रणबीरनेही हात हातात घेऊन डोळ्यांवर लावताच नीतू भावूक झाल्या.
शोमध्ये वाजू लागले ऋषी कपूर यांचे गाणे
या शोमध्ये रणबीर कपूर (Ranbir Kapoor) आणि नीतू कपूर (Neetu Kapoor) हे मायलेक स्टेजवर जातात. तसेच, ऋषी कपूर (Rishi Kapoor) यांच्या गाण्यावर डान्स करू लागतात. पुढे रणबीर आणि नीतू हे ‘दर्द-ए-दिल’, ‘होगा तुमसे प्यारा कौन’ आणि ‘एक मैं और एक तू’ यांसारख्या गाण्यांवरही ठुमके लावताना दिसतात. या मायलेकांचा डान्स पाहून ज्यूरींपासून ते परीक्षकांपर्यंत प्रत्येकजण उत्साही दिसतो.
View this post on Instagram
नीतू कपूर आणि रणबीर कपूर यांचा डान्स
रणबीर कपूर आणि नीतू कपूर यांना डान्स (Ranbir Kapoor And Neetu Kapoor Dance) करताना पाहून शोमधील इतर स्पर्धकही त्यांच्यासोबत थिरकतात. हा व्हिडिओ पाहून कमेंट्समध्ये प्रत्येकजण रणबीर आणि नीतू यांची प्रशंसा करताना दिसत आहे. विशेष म्हणजे, नीतू या यापूर्वीही ऋषी कपूर यांच्या गाण्यांवरील परफॉर्मन्स पाहून भावुक झाल्या आहेत.
रणबीर कपूर याच्या ‘शमशेरा’ची उत्सुकता शिगेला
रणबीर कपूर याच्याबाबत बोलायचं झालं, तर तो ‘शमशेरा’ या आगामी सिनेमात झळकणार आहे. हा सिनेमा २२ जुलै रोजी चित्रपटगृहात प्रदर्शित होणार आहे. या सिनेमाचा ट्रेलर यापूर्वीच प्रदर्शित झाला आहे. या ट्रेलरला चाहत्यांकडून चांगला प्रतिसाद मिळाला आहे. रणबीर या सिनेमात दुहेरी भूमिकेत दिसणार आहे. या सिनेमात त्याच्यासोबत अभिनेत्री वाणी कपूर ही स्क्रीन शेअर करताना दिसणार आहे. तसेच, अभिनेता संजय दत्त हादेखील या सिनेमात मुख्य भूमिकेत आहे.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
‘खतरों के खिलाडी’चे निरनिराळे स्टंट… अभिनवच्या आठवणीत ‘या’ प्राण्याला किस करायला लागली रुबिना दिलैक
कशी नशिबाने थट्टा आज मांडली! विद्युत जामवालच्या अभिनेत्रीला रस्त्यावर विकावी लागतेय भाजी
अरेरे! गाढ झोपी गेलेल्या मितालीसोबत ‘हे’ काय करतोय सिध्दार्थ चांदेकर, व्हिडिओ होतोय व्हायरल
