बॉलिवूड अभिनेता अनिल कपूर आणि निर्माता बोनी कपूर यांचा भाऊ संजय कपूरला त्याच्या पहिल्याच चित्रपटापासून बरीच लोकप्रियता मिळाली आहे. पण, यानंतर त्याचा भाऊ अनिल कपूर यांनी जे यश मिळवले त्याप्रमाणे त्याला मिळवता आले नाही. पण, या काळात संजय कपूर त्याच्या वैयक्तिक आयुष्याबद्दल खूप चर्चेत होता. संजय कपूर मंगळवारी (17 ऑक्टोबर) आपला 58 वा वाढदिवस साजरा करत आहे. आज आपण संजय कपूरच्या वाढदिसानिमित्त त्याच्याशी संबंधित अनेक रंजक किस्से जाणून घेऊया.
‘या’ चित्रपटासह एका रात्रीत बनला स्टार
संजयने तब्बूच्या 1995मध्ये ‘प्रेम’ चित्रपटातून पदार्पण केले होते. पण या चित्रपटाला फारसे यश मिळाले नाही. यानंतर त्याने ‘राजा’ चित्रपटामध्ये काम केले, ज्यात माधुरी दीक्षित नायिका होती. हा चित्रपट सुपरहिट ठरला आणि संजय एका रात्रीत स्टार झाला. यानंतर, त्याने ‘औजार’, ‘मोहब्बत’ आणि ‘सिर्फ तुम’ सारख्या अनेक चित्रपटांमध्ये काम केले आहे. यामुळे त्याच्या कारकिर्दीला फारसा फायदा झाला नाही. त्याने त्याच्या काही चित्रपटांमध्ये नकारात्मक भूमिका देखील केल्या आहेत. जिथे त्याचे खूप कौतुक केले गेले.
अभिनयानंतर बनला निर्माता
संजय कपूरचे चित्रपट चालले नाहीत, तर त्याने चित्रपट निर्मितीला सुरुवात केली. त्याने तीन चित्रपटांची निर्मिती केली आहे. ‘तेवर’ या चित्रपटात त्याचा पुतण्या अर्जुन कपूर आणि सोनाक्षी सिन्हा दिसले होते. पण हे चित्रपट सुद्धा काही विशेष कामगिरी करू शकले नाहीत. संजय त्याच्या कारकिर्दीच्या दुसऱ्या डावात ‘मिशन मंगल’ आणि ‘लस्ट स्टोरीज’ मध्ये दिसला होता. याशिवाय 2018मध्ये तो ‘दिल संभल जा जरा’मध्ये टीव्हीवर दिसला होता.
संजयच्या प्रोफेशनल लाईफ व्यतिरिक्त पर्सनल लाईफची सुद्धा खूप चर्चा झाली आहे. त्याने 2002 मध्ये मॉडेल एनआरआय पंजाबी जीएल महिप संधूसोबत लग्न केले होते. तिच्यासोबत त्याला दोन मुलेही आहेत. पण महिपशी लग्न करण्यापूर्वी तो दोन अभिनेत्रींसोबत जोडला गेला होता. त्यापैकी एक तब्बू आणि दुसरी सुष्मिता सेन आहे.
या सुंदर अभिनेत्रींची नावे सामील झाल्यानंतर अचानक संजय कपूरने महिप कपूरशी लग्न केले. ती आजही त्याची पत्नी आहे. संजय कपूरने एका मुलाखतीत खुलासा केला होता की, महिपसोबत त्याची पहिली भेट दिल्लीत झाली होती. महिपचे सौंदर्य पाहून त्याने एका क्षणात तिला आपले हृदय दिले. काही काळ डेट केल्यानंतर दोघांनी लग्न केले. तिच्यासोबत त्याला 19 वर्षीय एक मुलगी शनाया कपूर आणि 14 वर्षीय मुलगा जहान कपूर आहे.
हेही नक्की वाचा-
–जेव्हा रागाच्या भरात हेमा मालिनींना मारायला गेला होता सनी देओल! आई प्रकाश कौर यांनी सांगितली हकीकत
–पन्नाशी उलटली तरी अबाधित आहे हेमा मालिनींच्या सौंदर्याची जादू आहे, ‘या’ कार्यक्रमात केले सलग दोन तास नृत्य
