बॉलिवूडचे दिग्गज अभिनेते शत्रुघ्न सिन्हा आणि धर्मेंद्र हे एकमेकांचे खूप चांगले मित्र आहेत. अलीकडेच ‘द कपिल शर्मा शो’मध्ये हे दोघे मित्र आले होत. या शो दरम्यान यांनी एकमेकांचे किस्से सांगत सर्वांचं खूप हसवले. हाच एक किस्सा शत्रुघ्न यांनी सांगितला. ते म्हणाले की, १९७४ मधील ‘बदला’ या चित्रपटातील ‘शोर मच गया शोर’ हे गाणे सार्वजनिक ठिकाणी शूट केले जाणार होते. त्यामुळे ते खूप नर्व्हस होते. या गाण्यात त्यांना जन्माष्टमी साजरी करणाऱ्या गटाचा भाग व्हायचा होता. शत्रुघ्न यांची लोकांसमोर सादरीकरण करण्याची ही पहिलीच वेळ होती. यादरम्यान धर्मेंद्र यांनी शत्रुघ्न यांना दिलेल्या सल्ल्याचा किस्सा सांगितला.
शत्रुघ्न सिन्हा यांनी हा किस्सा सांगताना म्हटले की, “माझं पहिलं गाणं हे सार्वजनिक ठिकाणी चित्रीत करायचे होतं. ते गाणं ‘शोर मच गया शोर देखो आया माखनचोर’ होतं. त्यामुळे खूप नर्व्हस झालो होतो. मी कधीही सार्वजनिक ठिकाणी चित्रीकरण केले नव्हते. तिथे शेकडो लोकांचा जमाव आला, तेव्हा मी महान डान्सर धर्मेंद्रचा सल्ला घेतला. धर्मेंद्रने सल्ला दिला की, तू देखील तेच कर, जे मी करतोय. घेऊन टाक (ड्रिंकशी संबंधित).”
‘बदला’ मधील हे गाणे किशोर कुमार यांनी गायले होते आणि लक्ष्मीकांत-प्यारेलाला या दिग्गज जोडीने संगीत दिले होते. हे गाणे प्रचंड गाजले, पण आजही ते जन्माष्टमीच्या निमित्ताने गायले जाते आणि वाजवले जाते.
याव्यतिरिक्त, शत्रुघ्न सिन्हा यांनी देखील शोमध्ये धर्मेंद्र यांच्या लव्ह लाईफबद्दल सांगितले की, तो रोमान्सचा राजा आहे. शत्रुघ्न म्हणाले, “जेवढे काम केले, किती नाव घेतले, किती सुंदर, लोकांमध्ये किती इच्छा होती, त्याशिवाय त्यांनी एक जबरदस्त काम केले- प्रेम केले.” धर्मेंद्र यांची छेड काढत ते म्हणाले की, “तो नेहमीच एक महिला पुरुष आहे.” त्यांचे हे वक्तव्य ऐकून धर्मेंद्र हसले आणि म्हणाले की, “तू खूप खोडकर झाला आहे.” शो दरम्यान, दोन्ही दिग्गज कलाकारांनी एकमेकांचे पाय ओढून प्रेक्षकांचे भरपूर मनोरंजन केले.
शत्रुघ्न सिन्हा यांनी बॉलिवूडला अनेक हिट चित्रपट दिले आहेत. त्यांनी ‘कालीचरण’, ‘काला पत्थर’, ‘जानी दुष्मनी’, ‘नसीब’ आणि ‘खुदगर्ज’ सारख्या चित्रपटांमधून आपल्या अभिनयाने आपली छाप सोडली आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-सोनम कपूरने धोती आणि कुर्ता अशी केली पुरुषी वेशभूषा, वडील अनिल कपूर यांनी दिली प्रतिक्रिया
-‘बिग बॉस ओटीटी’वर निया शर्माचा जलवा; ‘वाईल्ड कार्ड’ म्हणून करणार एन्ट्री
