टॉलिवूडपासून ते बॉलिवूडपर्यंत आपल्या अभिनयाचा डंका वाजवणारी अभिनेत्री काजल अग्रवाल हिने, नुकताच तिच्या लग्नाचा पहिला वाढदिवस साजरा केला. गेल्या वर्षी तिने मुंबईतील बिझनेसमॅन गौतम किचलूशी लग्न केले होते. आता सर्वत्र दिवाळीची जोरदार तयारी सुरू आहे. अशातच काजल अग्रवालने दारूची जाहिरात शूट केली आहे, ज्याचा फोटो तिने तिच्या इंस्टाग्राम अकाउंटवर शेअर केला आहे. मात्र आता हा फोटो पाहिल्यानंतर, सोशल मीडिया युजर्स चांगलेच संतापले आहेत.
खरं तर, काजल अग्रवालने तिच्या इंस्टाग्राम अकाउंटवर पती गौतम किचलूसोबतचा एक फोटो शेअर केला आहे. यामध्ये त्यांच्यासमोर दारूची बाटली आणि ग्लास ठेवल्याचे दिसत आहे. या फोटोत दोघांमध्ये दिलखेचक केमिस्ट्री पाहायला मिळत आहे. फोटो शेअर करण्यासोबतच अभिनेत्री कॅप्शनमध्ये सण साजरा करण्याबद्दल बोलली आहे. (actress kajal aggarwal get trolled for shoot of wine ad)
काजलच्या या पोस्टवर आतापर्यंत ७ लाखाहून अधिक लाईक्स आले आहे. तसेच युजर्स यासाठी तिला मोठ्या प्रमाणात ट्रोल करत आहे. एकाने लिहिले की, “पैशासाठी दारूचा प्रचार करणारा माणूस इतका खाली कसा पडू शकतो. त्यांना माहीत नाही का, की त्यांचे बहुतेक फॉलोअर्स १८ ते २५ वर्षांचे आहेत.” दुसऱ्याने लिहिले, “आता अशी लोक याबद्दल ज्ञान देतील, तर ते कसे वाटेल…?” याशिवाय आणखी एका व्यक्तीने लिहिले की, “असे वाटत आहे की, एनसीबीला छाप्यासाठी पाठवावे लागेल.” त्याचप्रमाणे युजर्स तिच्या फोटोवर असभ्य कमेंट करत आहेत. तिचा हा फोटो सोशल मीडियावर व्हायरल होत आहे.
काजलच्या कामाबद्दल बोलायचे झाले, तर अभिनेत्री केवळ दक्षिणेतील अनेक सुपरहिट चित्रपटांमध्ये दिसली नाही, तर तिने ‘सिंघम’, ‘स्पेशल २६’ आणि ‘मुंबई सागा’ सारख्या अनेक बॉलिवूड चित्रपटांमध्येही काम केले आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-काजल अग्रवाल अन् गौतम किचलूने दिली गोड बातमी, शेअर केली नव्या पाहुण्याची पहिली झलक
-नागार्जुन यांच्या चित्रपटात काजल ऐवजी झळकणार जॅकलिन? गरोदर असल्यामुळे अभिनेत्रीने घेतलाय ब्रेक?
-अभिनेत्री काजल अग्रवालच्या घरी येणार नवीन पाहुणा? अभिनेत्रीने थांबवले चित्रपटाचे काम
