बॉलिवूडची ‘पंगा क्वीन’ कंगना रणौत तिच्या बिनधास्त वक्तव्यासाठी ओळखली जाते. ती अनेकदा कोणत्या ना कोणत्या मुद्द्यावर बोलताना दिसते. दरम्यान, अलीकडेच तिच्याबद्दल आणखी एक गोष्ट समोर आली आहे. नुकतीच कंगना तिच्या नवीन रियॅलिटी शो ‘लॉक अप’ च्या लॉन्च इव्हेंटमध्ये सहभागी झाली होती. शोची निर्माती एकता कपूरही तिच्यासोबत उपस्थित होती. कंगना हा रियॅलिटी शो होस्ट करणार आहे. कार्यक्रमादरम्यान कंगनाचा एका पत्रकारासोबत वाद झाला. एका प्रश्नावरून हा वाद झाला आणि हा प्रश्न अभिनेत्री दीपिका पदुकोणशी संबंधित होता. पत्रकाराने कंगनाला दीपिकाशी नुकत्याच झालेल्या वादाबद्दल विचारले होते, ज्यावर ती भडकली.
दीपिकाने (Deepika Padukone) ‘गहराइया’च्या प्रमोशन दरम्यान ‘हेमलाइन्स आणि नेकलाइन्स’ असलेला ड्रेस परिधान केला होता. ज्यावर सोशल मीडियाच्या प्रभावशाली व्यक्तीने कथितपणे टोमणा मारला होता. याबाबत पत्रकाराने दीपिकाचा बचाव करताना प्रश्न विचारला. यावर कंगनाने (Kangana Ranaut) प्रतिक्रिया दिली. ती म्हणाली की, “ती स्वतःचा बचाव करू शकते. तिच्याकडे व्यासपीठ आणि विशेषाधिकार दोन्ही आहेत.”
‘दीपिका पदुकोण स्वतःचा बचाव करू शकते’
सध्या एक व्हिडिओ व्हायरल होत आहे जो रेडिफने शेअर केला आहे. या व्हिडिओमध्ये कंगना पत्रकारांशी बोलत आहे. कंगना म्हणाली की, “पाहा, जे स्वतःचा बचाव करू शकत नाहीत त्यांचा बचाव करण्यासाठी मी येथे आहे. ती स्वतःचा बचाव करू शकते, तिला विशेषाधिकार आहे, व्यासपीठ आहे आणि मी तिच्या चित्रपटाचे इथे प्रमोशन करू शकत नाही.” यावर पत्रकाराने सांगितले की, मी दीपिकाचे उदाहरण दिले होते, कोणत्याही चित्रपटाचे प्रमोशन करण्याचा माझा हेतू नव्हता.”
कंगनानेही यावर प्रतिक्रिया दिली आहे. ती म्हणाली की, “नक्कीच, तुम्ही चित्रपटाचे नाव दिले आहे. तुम्ही येणाऱ्या चित्रपटाचे नावही ठेवता. साहजिकच त्या चित्रपटाचा पीआर तुम्हाला पाठवला आहे. अरे यार, आपण इतके नादान नाही आहोत ना? याला बाहेर ठेव. मी ४५ मिनिटे तुझ्यासोबत व्यस्त राहीन.” लॉक अपची निर्मिती करणारी एकता कपूर म्हणाली की, “माय फ्रेंड, ही एक वेगळी पत्रकार परिषद आहे.”
कंगना रणौत म्हणाली…
कंगना म्हणाली की, “तुम्हाला माहिती आहे, ही एक जुनी युक्ती आहे. मागच्या वेळी याच पत्रकार परिषदेत मला प्रसारमाध्यमांनी बंदी घातली होती, तेव्हा काही झाले नाही. तर बसा.” २०१९ मध्ये ‘जजमेंटल है क्या’ चित्रपटाच्या प्रमोशन कार्यक्रमादरम्यान कंगनाचा एका पत्रकारासोबत वाद झाला होता.
हेही वाचा –
- पत्रकाराने अभिनेत्री नेहा शेट्टीच्या शरीरावर तिळाबद्दल विचारला प्रश्न, जोरदार उत्तर देत अभिनेत्रीने फटकारले
- ‘त्या माजोरड्यांना मेसेज गेला पायजे, ‘मराठी कलाकार’ नडला तर तुमचा बाजार उठवंल!’ किरण मानेंची पोस्ट चर्चेत
- आगामी ‘दिशाभूल’ चित्रपटातील चौथ्या मुख्य अभिनेत्याचे नाव समोर, गोव्यात सुरू झाली शूटिंग
