बॉलिवूडसोबतच साऊथ सिनेसृष्टीतही आपल्या स्टाईलने धुमाकूळ घालणारी प्रसिद्ध अभिनेत्री श्रद्धा दास (Shraddha Das) होय. तिने आपल्या अभिनयाची जादू प्रेक्षकांवर चढवत आपले एक आगळे -वेगळे स्थान निर्माण केले आहे. या अभिनेत्रीने ४० हून अधिक चित्रपटांमध्ये आपल्या अभिनयाची जादू पसरवली आहे. ही अभिनेत्री ‘ग्रेट ग्रँड मस्ती’, ‘दिल तो बच्चा है जी’, ‘आर्या २’, ‘सनम तेरी कसम’ आणि ‘लाहोर’ यांसारख्या बॉलिवूड चित्रपटांमध्ये दिसली आहे. त्याचबरोबर अभिनेत्री श्रद्धा तिच्या दमदार अभिनयासोबतच तिच्या बोल्ड स्टाईलसाठी ओळखली जाते. श्रद्धा दास शुक्रवारी (४ मार्च) तिचा वाढदिवस साजरा करत आहे.
‘या’ साऊथ चित्रपटातून करिअरला केली सुरुवात
श्रद्धा दासचा १९८१ मध्ये मुंबईत जन्म झाला. मुंबईत जन्मलेली श्रद्धा बंगाली कुटुंबातली आहे. मुंबई विद्यापीठातून पत्रकारितेची पदवी घेतल्यानंतर अभिनेत्रीने सिकाकुलममधून ’सिद्धू’ या तेलगू चित्रपटातून चित्रपटसृष्टीत पदार्पण केले. त्याचवेळी श्रद्धाने ‘लाहोर’ चित्रपटातून बॉलिवूडमध्ये पदार्पण केले.
अभिनेत्रीचे नाणे बॉलिवूडमध्ये करू शकले नाही काम
श्रद्धाने साऊथच्या चित्रपटांमध्ये बाजी मारली आहे. ती साऊथ फिल्म इंडस्ट्रीतील एक प्रसिद्ध अभिनेत्री आहे. मात्र, तिच्या हॉट आणि बोल्ड अभिनयाने चाहत्यांना घायाळ करूनही श्रद्धाचे नाणे बॉलिवूडमध्ये चालू शकले नाही.
वादग्रस्त विधान
चित्रपटांव्यतिरिक्त श्रद्धा दासने प्रसिद्ध बॉलिवूड गायक सोनू निगमबद्दल वादग्रस्त विधान केल्यामुळे ती चर्चेत आली होती. खर तर, सोनू निगमने काही काळापूर्वी त्याच्या ट्विटर अकाऊंटवर अजानबाबत वादग्रस्त वक्तव्य केले होते. सोनू निगमने ट्वीट करून लिहिले की, “देव सर्वांना सुरक्षित ठेवू दे. मी मुस्लिम नाही, पण मला अजानच्या आवाजाने पहाटे उठायचे होते. शेवटी किती दिवस धर्म आणि जातीच्या दबावाखाली जगायचे आहे.” सोनू निगमच्या या ट्वीटनंतर त्याच्यावर बरीच टीका होऊ लागली, तर श्रद्धा दासनेही यावर आपली प्रतिक्रिया दिली आहे.
मी ऐकले आहे की सोनूने…
श्रद्धा दास वर्सोवा येथे सोनू निगमच्या घराजवळ राहते. सोनू निगमच्या ट्वीटला उत्तर देताना ती म्हणाली की, “माझ्या घरी अजान फार कमी ऐकू येते. मला या आवाजाची कधीच अडचण आली नाही. मी सोनू निगमच्या घराजवळ राहते, पण आश्चर्याची गोष्ट म्हणजे मी माझ्या घरी अजानचा आवाज कधीच ऐकला नाही. क्वचितच ऐकू येते. सोनूने त्याचे केस कापल्याचे मी ऐकले आहे.” मात्र, ही पोस्ट लिहिल्यानंतर काही वेळातच श्रद्धा दासने तिच्या सोशल मीडिया अकाउंटवरून ती डिलीट केली.
श्रद्धा दासने ‘टार्गेट १८’, ‘२० लव्ह स्टोरी’, ‘डायरी’ आणि ‘अधिनीता’ सारख्या मोठ्या तेलगू सिनेमांमध्ये काम केले आहे. श्रद्धा दासला ‘सीक्वल क्वीन’ म्हणूनही ओळखले जाते. मधुर भडणकरच्या ‘दिल तो बच्चा है जी’ या चित्रपटातही श्रद्धाने बॉलिवूडमध्ये काम केले होते. श्रद्धा आजपर्यंत बॉलिवूडमध्ये आपले पाऊल पूर्णपणे प्रस्थापित करू शकली नसली तरी ती साउथ इंडस्ट्रीतील एक प्रसिद्ध चेहरा आहे.
हेही वाचा :
