बॉलिवूड अभिनेता सुनील शेट्टीचा (Suniel Shetty) मुलगा अहान शेट्टीचा (Ahan Shetty) पहिला चित्रपट ‘तडप’ शुक्रवारी (३ डिसेंबर) प्रदर्शित झाला आहे. बरेच दिवस चाहते या चित्रपटाची वाट पाहत होते. हा एक रोमँटिक-ऍक्शन ड्रामा चित्रपट आहे, ज्याचे दिग्दर्शक मिलन लुथारिया आहेत. तुम्हाला अ‍ॅक्शन आणि रोमान्स पाहण्याची आवड असेल, तर चित्रपट पाहण्यापूर्वी वाचा रिव्ह्यू…
चित्रपटाचा रिव्यू
कोणत्याही निर्मात्याला पडद्यावर नवा अभिनेता दाखवणे खूप अवघड असते. अशा परिस्थितीत, निर्माते ते शक्य तितक्या चांगल्या प्रकारे दाखविण्याचा प्रयत्न करतात, जेणेकरून प्रेक्षकांना कथेशी जोडलेले वाटेल. या चित्रपटात अहान एका वेडसर प्रियकराची भूमिका साकारत आहे, जो आपले प्रेम मिळवण्यासाठी प्रत्येक मर्यादा ओलांडण्यास तयार असतो. एका सत्य घटनेवर आधारित तेलुगू चित्रपट ‘आरएक्स १००’ चा हा हिंदी रिमेक आहे.
कहाणी
‘तडप’ ही एका उत्कट प्रियकराची प्रेमकथा आहे. कथेत अहानचे नाव ईशाना आहे, जो मसुरीमध्ये आपल्या वडिलांसोबत राहते. सौरभ शुक्ला वडिलांच्या भूमिकेत आहे. ईशानाचे वडील दामोदर हे राजकारणी नौटियाल यांचे जवळचे सहकारी आहेत. ईशाना थिएटर चालवतो आणि त्याचे वडील आणि दामोदरला राजकीय कार्यात मदत करतो. निवडणुकीच्या दिवशी दामोदरची मुलगी रमिसा म्हणजेच तारा सुतारिया शिक्षण पूर्ण करून यूकेहून परत येते. चित्रपटात गरीब-श्रीमंताचे प्रेम दाखवण्यात आले आहे, असे सुरुवातीला वाटते, पण त्यात बरेच काही आहे.
तीच प्रेमकथा चित्रपटात मध्यंतरापर्यंत दाखवली असती, तर ती बॉलिवूडमध्ये नेहमीच दाखवल्याप्रमाणे वाटली असती. एक श्रीमंत मुलगी आणि गरीब मुलगा प्रेमात पडतात आणि नंतर मुलीला वडिलांनी निवडलेल्या मुलाशी तिच्या इच्छेविरुद्ध लग्न करावे लागते. चित्रपटात दोन प्रेमी वेगळे होतात. अहान एक रागीट आणि तीव्र व्यक्तिरेखा साकारताना दिसत आहे, ज्याची त्याच्या प्रेमापासून विभक्त होण्याची तळमळ त्याच्या हृदयात स्पष्टपणे दिसते. अहानने त्याच्या पहिल्याच चित्रपटात इशानाची भूमिका साकारली आहे, जी कौतुकास्पद आहे. त्याचे पडद्यावरचे प्रेम आणि ऍक्शन सीन खूपच प्रभावी आहेत. मिलन लुथरिया आणि रजत अरोरा यांनी चित्रपटाच्या डायलॉग रायटिंगवर बारकाईने काम केले आहे.
ईशाना आणि रमिसाची जोडी प्रत्येक फ्रेममध्ये सुंदर दिसते. मग ते रोमँटिक असो की, दोघांचे वेगळेपण. इंटरव्हलनंतर चित्रपटात ट्विस्ट, टर्न आणि ऍक्शन पाहायला मिळतात. पूर्वार्धात अनेक ठिकाणी हे सीन जबरदस्तीने ओढले गेल्याचे दिसते. या चित्रपटाचे गीत प्रीतम यांनी लिहिले आहेत. मसुरीच्या खोऱ्यातील सिनेमॅटोग्राफी खूप चांगली आहे, जी या प्रेमकथेचे सौंदर्य वाढवण्यास मदत करते. हा एक व्यावसायिक चित्रपट आहे, पण बर्‍याच ठिकाणी कमकुवत लिखाणामुळे बोरिंग वाटते.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-ब्रह्मा मिश्रासारखीच ‘या’ कलाकारांनीही घेतली अचानक एक्झिट, एक तर दोन दिवस लटकला होता पंख्याला
-याहूवर सर्वाधिक सर्च केलेल्या कलाकारांच्या यादीत ‘हा’ अभिनेता ‘दबंग’ खानलाही देतोय टक्कर, पाहा यादी
