दाक्षिणात्य चित्रपटांमधील अभिनेते अजित कुमार यांच्या कार रेसिंग आणि सुपर बाईकविषयी तर सर्वांनाच माहिती आहे. त्यांच्या चित्रपटांसह ते या छंदामुळे देखील नेहमी चर्चेत असतात. नुकतीच त्यांची बाईकवरून पूर्ण जग फिरण्याची इच्छा समोर आली. तसेच आता सोशल मीडियावर त्यांच्या या इच्छेला पूर्ण करतानाचे काही फोटो व्हायरल होत आहेत.
सोशल मीडियावर व्हायरल होत असलेल्या फोटोंमध्ये तुम्ही पाहू शकता की, अजित त्यांच्या बाईकवर स्वार झालेले आहेत. त्यांच्या जवळ एक सामानाने भरलेला बॉक्स देखील आहे. यावरून असा अंदाज लावण्यात येत आहे की, त्यांनी पूर्ण जग फिरण्याच्या इच्छेला अंमलात आणण्याचे काम सुरू केले आहे. काही दिवसांपूर्वीच ते दिल्लीमध्ये दिसले होते. त्यामुळे ते आता दिल्ली ते चेन्नई पर्यंतचे अंतर पहिले कापणार असेही म्हटले जात आहे. (Ajith Kumar begins his world tour on a bike photo gone viral on social media)
तसेच नुकतेच ते एक विश्व प्रसिद्ध महिला बाईकर मराल याजरलू यांना भेटले होते. यावेळी दोघांनी खूप गप्पा मारल्या. त्याचबरोबर त्यांचे अनुभव देखील त्यांनी एकमेकांना सांगितले. तसेच अजित यांना मराल यांच्याकडून बाईकवरील भ्रमंतीसाठी काही टिप्सही मिळाल्या.
Live your life to the fullest, Thala Ajith got a perfect work-life balance ! pic.twitter.com/Lni6OofoB2
— Rajasekar (@sekartweets) September 24, 2021
अजित यांच्या चित्रपटांसाठी वेडे असलेल्या प्रेक्षकांसाठी देखील एक गोड बातमी नुकतीच समोर आली होती. बोनी कपूर निर्मित ‘वलीमाई’ हा चित्रपट पोंगलला चित्रपटगृहांमध्ये प्रदर्शित होणार असल्याचे बोनी यांनीच सांगितले होते. त्यांच्या या आगामी चित्रपटासाठी चाहते फार उत्सुक आहेत. या चित्रपटामध्ये अजित यांना कार्तिकेय गुम्माकोंडा, हुमा कुरैशी, योगी बाबू, सुमित्रा आणि पुगाज हे कलाकार साथ देणार आहेत. अनेक दिवसांपासून हा चित्रपट लांबणीवर पडला होता. साल २०२० मध्ये प्रदर्शित होणारा चित्रपट कोरोना महामारीमुळे आता साल २०२१ मध्ये प्रदर्शित होणार आहे.
Get ready for the #ValimaiPongal! ????
Here's presenting the #ValimaiGlimpse featuring #AjithKumar! ????
➡️ https://t.co/FDVhHAz4yF@BoneyKapoor #HVinoth @thisisysr @BayViewProjOffl @ZeeStudios_ @SonyMusicSouth #Valimai
— Boney Kapoor (@BoneyKapoor) September 23, 2021
अजित यांनी अभिनयाने प्रेक्षकांची मने जिंकलेलीच आहेत. परंतु आता ते करत असलेल्या बाईकवरील प्रवासामुळे चाहत्यांच्या मनामध्ये त्यांनी स्वतःची एक वेगळी ओळख निर्माण केली आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘सहनशीलता आपल्याला स्ट्रॉंग बनवते’, म्हणत रिकव्हर होणाऱ्या शिल्पाने शेअर केली पोस्ट
-सोनम कपूरच्या आयुष्यात ‘Someone special’ची एन्ट्री; पोस्ट शेअर करत म्हणाली, ‘तयार व्हा’
