Monday, May 27, 2024

भोजपुरी अभिनेत्री अमृता पांडेची आत्महत्या की हत्या? पोस्ट मॉर्टम आणि एफएसएल अहवाल वेगळे

भोजपुरी अभिनेत्री अमृता पांडेचे (Amruta Pandey) सात दिवसांपूर्वी निधन झाले होते. फ्लॅटमध्ये अमृताचा मृतदेह आढळल्यानंतर परिसरात खळबळ उडाली होती. मृत्यूनंतर आत्महत्या केल्याची सुरुवातीपासूनच चर्चा होती. माध्यमातील वृत्तानुसार, आता पोस्टमॉर्टम रिपोर्टमध्ये अमृताने आत्महत्या केली नसल्याचे समोर आले आहे.उलट त्याचा गळा आवळून खून करण्यात आला. तर एफएसएल अहवालात ही आत्महत्या असल्याचा दावा करण्यात आला आहे. अशा स्थितीत पोलिसांसाठी हे गूढ अधिकच गुंतागुंतीचे होत आहे.

माध्यमातील वृत्तानुसार, ज्या डॉक्टरांनी अमृताचे पोस्टमार्टम केले होते त्यांच्याशी आता पोलिसांना पुन्हा बोलायचे आहे. डॉक्टरांना पत्राद्वारे वेगवेगळे प्रश्न विचारले जातील, यादरम्यान काही नवीन माहिती समोर आल्यास त्याआधारे पोलीस तपासाला पुढे जातील.

या प्रकरणी भागलपूरचे एसएसपी आनंद कुमार सांगतात की, एफएसएल आणि पोस्टमॉर्टम दोन्ही अहवाल आले आहेत. पण दोन्ही अहवालांमध्ये फरक आहे. एका अहवालात ही आत्महत्या असल्याचे म्हटले आहे, तर दुसऱ्या अहवालात ही गळा दाबून हत्या झाल्याचे म्हटले आहे. फॉरेन्सिक सायन्सच्या एचओडीला या प्रकरणाच्या प्रत्येक पैलूची चौकशी करण्यासाठी एक पॅनेल तयार करण्याची विनंती करण्यात आली आहे. पोलीस या संपूर्ण प्रकरणाचा तपास करण्यात व्यस्त आहेत.

अमृता पांडेच्या कुटुंबीयांचे म्हणणे आहे की तिला OCD सारखा आजार होता. याआधीही तिने मुंबईत दोनदा आत्महत्येचा प्रयत्न केला होता. अमृताच्या पतीने सांगितले की, ती डिप्रेशनमध्ये होती आणि तिच्यावर उपचार सुरू होते. चित्रपटांबद्दल बोलायचे झाले तर अमृता अनेक भोजपुरी चित्रपटांमध्ये दिसली आहे. खेसरीलाल यादव यांच्यासोबत दीवानापन या चित्रपटात तिने मुख्य भूमिका साकारली होती.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

कोविड लसीमुळे श्रेयस तळपदेला आलेला हृदयविकाराचा झटका? अभिनेत्याने केला धक्कादायक दावा
करीना कपूर बनणार होती टॉक्सिकमध्ये यशची बहीण, या कारणामुळे करीनाने दिला नकार

हे देखील वाचा