भोजपुरी सृष्टीतील अभिनेता खेसारी लाल यादव (Khesari lal yadav) हा ट्रेंडिंग स्टारच्या नावानेही ओळखला जातो. त्याच्या हिट म्युझिक व्हिडिओमुळे त्याला हे नाव देण्यात आले आहे. जर अभिनेत्याचे एखादे व्हिडिओ गाणे प्रदर्शित झाले, तर ते युट्यूबवर ट्रेंड व्हायला सुरू होते. खेसारी केवळ त्याच्या चित्रपटांसाठीच नाही, तर त्याच्या गाण्यांमुळेही चाहत्यांच्या मनावर अधिराज्य गाजवत आहे. त्याच्या चाहत्यांसाठी तो लवकरच आणखी एक धमाकेदार व्हिडिओ घेऊन येणार आहे. या व्हिडिओमध्ये अक्षरा सिंग देखील धमाल करताना दिसणार आहे. या दोघांची जोडी चित्रपटांमध्ये खूप पसंत केली जाते. पण सगळ्यात महत्त्वाची गोष्ट म्हणजे, या गाण्यात त्याला प्रसिद्ध रॅपर बादशाह साथ देणार आहे.
खेसारीचे नवीन गाणे
खेसारीने त्याच्या आगामी व्हिडिओचे पोस्टर त्याच्या इंस्टाग्राम अकाऊंटवर शेअर केले आहे. पोस्ट करताना खेसारीने लिहिले आहे की, तो रॅपर बादशाहच्या ‘पानी पानी’ या सुपरहिट गाण्याचे भोजपुरी व्हर्जन घेऊन येत आहे. पोस्टरच्या बॅकग्राऊंडला बादशाहचा फोटोही आहे. दुसरीकडे खेसारी आणि अक्षरा सिंगही दिसत आहेत. तसेच खेसारीने लिहिले आहे की, “सारेगामा हम भोजपुरी युट्यूब चॅनेलवर ६ तारखेला सकाळी ११ वाजता ‘पानी पानी’चे भोजपुरी व्हर्जन, माझ्या आणि रिनी चंद्रा यांच्या आवाजात आणि बादशाह भाई आणि अक्षरा सिंग यांच्या स्वॅगमध्ये.. काय बोलतयं पब्लिक?”
या व्हिडिओमध्ये खेसारी अक्षरा सिंगसोबत रोमान्स करताना दिसणार आहे. ‘पानी पानी’ हे गाणे सुपरहिट गाण्यांपैकी एक आहे. या गाण्यात बादशाहसोबत जॅकलिन फर्नांडिस दिसली असून हे गाणे आस्था गिलने गायले आहे. आतापर्यंत या गाण्याला ६०० मिलियन पेक्षा जास्त व्ह्यूज मिळाले आहेत.
बादशाह आणि जॅकलिनचे हे गाणे २०२१ च्या सर्वाधिक पाहिलेल्या गाण्यांच्या यादीत देखील समाविष्ट आहे. गाण्यांमधील जॅकलिनची स्टाईल चाहत्यांना खूप आवडली. यासोबत बादशाह आणि आस्था गिल यांचा जादुई आवाज आहे. अनेकांनी या गाण्यावर खूप इंस्टा रील्सही बनवल्या.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-असे काय झाले की, महिला स्पर्धकासमोर रणवीर सिंगला झुकवावे लागले डोके? व्हिडिओ जोरदार व्हायरल
